Шупашкарта - 10 метр çÿллĕш робот

Шупашкарта «Трансформеры» фильмри Оптимус Прайм кÿлепине вырнаçтарĕç. Кун пирки тĕп хула администрацийĕн пуçлăхĕ Алексей Ладыков пĕлтернĕ.
10 метр çÿллĕш кÿлепене Хула кунĕнче, çурлан 19-мĕшĕнче, Шупашкарти Хĕрлĕ тÿремре курма май пулĕ. Сăмах май, Хула кунĕн программи мероприятисемпе пуян. Йăлана кĕнĕ зарядка иртĕ. 11-15 сехетсенче центрта ачасем хуçаланĕç: вĕсем валли 17 лапам йĕркелеме палăртнă. Каçхине «Пултарулăх бульварĕнче» савăнма, Хусанти «Прогульщики» ушкăнпа Раççей эстрада юрăçин Игорь Николаевăн концерчĕпе, ун хыççăн фейерверкпа киленме май пулĕ.