Икĕ куна тăсăлнă асамлăх

Раштав у й ă х ĕ н 23-мĕшĕнче асамлă уявсенчен пĕри пулчĕ — Хĕл Мучисем Çĕнĕ Шупашкарти тĕп урампа утса иртрĕç.

Вĕсемпе пĕрле Юр пикесем, юмахри сăнарсем çула такăрлатрĕç. «Химик» культура керменĕнчен пуçласа чиркÿ тÿремне çити 2 пин ытла çын утрĕ. Тÿремре асамлă юмаха лекнĕнех туйăнчĕ. Вăйă карти, юрă-ташă… Уяв хĕрÿллĕ пулнăран хĕллехи сивĕ çуллахи пĕр- пĕр шăрăх кунпа танлашрĕ.