Ĕне çилли шатралансан

Шатра чирĕ ытларах чухне çамрăк ĕнесемпе сурăхсен тĕл пулать. Малтанах ĕне çилли çине çаврака пăнчăсем тухаççĕ, вĕсен хĕрри çутă хĕрлĕ тĕслĕ. Пăнчăсем вир кĕрпинчен кăшт пысăкрах çеç.

Каярах вĕсем тĕвĕленеççĕ те хăмпăланма тытăнаççĕ. Шыçă сухăр е çутă сарă тĕслĕ шĕвекпе тулать. Темиçе кун иртсен унта пуçтарăннă пÿр юхса тухать, çав вырăнта тарăн мар суран юлать. Ĕне çилли çинче шатрасем асăрхасан тÿрех ветеринари тухтăрне пĕлтермелле.