Çапла калас килетçул çинчи инкек -синкек пирки. Статистика кăтартăвĕ чуна çÿçентерет. Пирĕн çĕр-шывра иртнĕ вунă уйăхра çеç аварире 21 пин çын вилнĕ, 212 пинĕн аманнă. Автоаварисен 80 ытла проценчĕ водительсем правилăсене пăснăран пулнă: пысăк хăвăртлăхпа пынă, хирĕç килекен транспорт енне тухнă, çул хĕресленнĕ вырăнта тимлĕхе çухатнă тата ытти те.
Васкавлă ĕç пулсан та...
Хресчен çемйинче çитĕннĕ Степан Степанов, хăй çырса хăварнă тăрăх, 4-5 çулсенчех пиччĕшĕ пулăшнипе вулама вĕреннĕ. Ялти пуçламăш шкула сукмак такăрлатнă вăхăтра тантăшĕ Ваççили /Тăван çĕр-шывăн Аслă вăрçинче пуç хунă Василий Васькин поэт/ Степана çырма хăнăхтарнă. Вĕренес туртăмлă пулнă вăл. Шăхасанти колхоз çамрăкĕсен тĕслĕх шкулĕнче пĕлĕвне тарăнлатнă.
Хальхинче Кулăшпа сатира театрĕн ертÿçи Виктор Петров патне тухса утрăм. ЧР тава тивĕçлĕ артисчĕ сцена çине тухнăранпа 30 çул çитнине кĕçех Чăваш патшалăх филармонийĕнче паллă тăвĕ. Çак уяв кĕрекинче Мускаври Щепкин ячĕллĕ театр училищинче ăсталăха пĕрле туптанă артистсем Николай Сергеев, Надежда Воюцкая, Геннадий Большаков, Василиса Петрова, Николай Котеев, Геннадий Медведев та пулĕç.
«Çамрăксен хаçатне» Чăваш Енре кăна мар, республика тулашĕнче те çырăнса илеççĕ. Çавна май «ÇХ» ĕçченĕсем тулашри чăвашсем патне çитме, вĕсемпе тĕл пулусем ирттерме тытăнчĕç. Нумаях пулмасть корреспондентсем Тутарстанри Çĕпрел районĕнче пулчĕç. Хальхинче Чĕмпĕр облаçĕнчи Чăнлă районне çула тухрăмăр.
«Ача вăл пĕрре те нумай, саккăр та сахал», - тенĕ ваттисем. Чĕмпĕр облаçĕнчи Чăнлă районĕнчи Кивĕ Улхашра пурăнакан Вера Чемукова 8 тĕпренчĕкне пĕчченех çитĕнтерет. Пысăк чунлă хĕрарăмпа калаçнă май Некрасов поэми аса килчĕ. Вера Геннадьевна та çунакан çурта кĕме, хирĕç килекен урхамаха чарма... пултарать. Ахальтен мар пĕччен пулсан та мĕн пур ачине ăшăлăхпа юрату парнелет, вĕсемшĕн ырми-канми тăрăшать.
Тырăпа пĕрлех килти кайăк-кĕшĕке витаминпа пуян ытти тĕрлĕ çимĕçсене те хушса памалла. Вĕсем кайăк вар-хырăмне лайăхрах ĕçлеме, сывлăхне çирĕплетме, продуктивлăхне ÿстерме пулăшаççĕ.
Çĕр улми - тырăран хатĕрленĕ çимĕçсене ылмаштарма пултарать. Унра крахмал углевочĕсем нумай, кайăксен организмĕ вĕсене лайăх йышăнать. Ăна кайăк-кĕшĕке, тĕпрен илсен, пĕçерсе, ытти апат-çимĕçпе пĕрле хутăштарса памалла. Çамрăк чăх-чĕп рационĕнче ун виçи 5-7 процент кăна пулмалла. #ссе пынă май ун виçине 20 процента çити хушма юрать. Çитĕнсе çитнĕ кайăк-кĕшĕке вара 50 процент чухлех пама юрать.
Чÿкĕн 18-мĕшĕнче Шупашкарти Вырăс драма театрĕнче актерсемпе режиссерсен ĕçĕсен республика шайĕнчи «Чи хаклă ĕмĕт» конкурсĕ вун виççĕмĕш хут иртрĕ. Ăна ЧР Культура министерстви пулăшнипе республикăри театр ĕçченĕсен союзĕ йĕркеленĕ. Конкурса К.В.Иванов ячĕллĕ Чăваш патшалăх академи драма тата Çамрăксен театрĕсен артисчĕсемпе ЧР культура училищин студенчĕсем хутшăнчĕç. Вĕсем монолог вуларĕç, спектакль сыпăкне лартрĕç...
1961 çулхи чÿк уйăхĕн 5-мĕшĕ. Сĕнтĕрвăрри районĕнчи Хуракасси шкулĕнче кĕçĕн классем уява хатĕрленнĕ. Аслă классем вара каç енне ташă каçĕ ирттерме ĕмĕтленнĕ.
Катя пур çĕрте ялан хаваслă. «Сăмахне ăçтан тупать-ши?» - тĕлĕнеççĕ юлташĕсем ăна итленĕ май вар хытиччен кулса. Шÿт туйăмĕ питĕ пысăк пулнăран-ши, сăмахшăн кивçене кайман хĕр ача нихăçан та тунсăхлама памасть.
«Ялан кулакансем нумай пурăнаççĕ, эсĕ кун пек хаваслăхпа часах вилĕмсĕр пулса тăрăн ĕнтĕ», - тенĕччĕ ăна Оля тусĕ шÿт- ле-шÿтле. Тен, чăнах та çапла пулĕ/
Килти аптечкăна тĕрĕслесех тăмалла. Тен, хăш-пĕр эмелĕн усă курмалли вăхăчĕ иртнĕ, тÿмеллисем тĕпренме пуçланă, сироплисем йÿçĕхнĕ. Çакăн пек эмелсем сывлăхшăн хăрушлăх кăларса тăратаççĕ.
Пăсăлнин паллисем
Медикаментсен усă курмалли вăхăчĕсĕр пуçне тĕсĕ, калăпăшĕ, çăралăхĕ пур. Вĕсем улшăннă тăрăх эмел пăсăлнине палăртма пулать.
Тÿме. Çуркаланнă, тĕпренекен тÿмесемпе тимлĕ пулăр. Аннотацире кăтартнă тĕсĕ улшăнман-и тата? Улшăннă тăк сывлăхшăн питĕ сиенлĕ пулма пултараççĕ.
СУРСКИЙ РУБЕЖСКИЙ
Чăвашла верси
Русская версия
