Архив - Мая 2015 - Хресчен сасси

мая 8th

8 Мая, 2015

Ĕне çилли шатралансан

Шатра чирĕ ытларах чухне çамрăк ĕнесемпе сурăхсен тĕл пулать. Малтанах ĕне çилли çине çаврака пăнчăсем тухаççĕ, вĕсен хĕрри çутă хĕрлĕ тĕслĕ. Пăнчăсем вир кĕрпинчен кăшт пысăкрах çеç.

Каярах вĕсем тĕвĕленеççĕ те хăмпăланма тытăнаççĕ. Шыçă сухăр е çутă сарă тĕслĕ шĕвекпе тулать. Темиçе кун иртсен унта пуçтарăннă пÿр юхса тухать, çав вырăнта тарăн мар суран юлать. Ĕне çилли çинче шатрасем асăрхасан тÿрех ветеринари тухтăрне пĕлтермелле.

8 Мая, 2015

Ура тупанĕ çурăлсан...

Час-часах ура тупанĕ çурăлать. Ăна мĕнле сиплемелле-ши?

Валентина Егорова. Патăрьел районĕ.

Ура тупанĕ сахăр диабечĕпе, гастритпа чирлесен, çавăн пекех организма витаминсем çитмесен, ÿт-пÿ тулли пулсан çурăлать. Синтетика чăлхапа çÿрени те урана сиенлетет.

8 Мая, 2015

Хурăн сĕткенĕ

Кукаçи çуркунне çитессе чăтăмсăррăн кĕтетчĕ. Хурăн папки тухма тытăнсанах сĕткенне пуçтаратчĕ вăл. Çапла майпа сывлăхне çирĕплететчĕ. Кукаçи чылай çул артритпа чирлетчĕ. Хурăн сĕткенне ĕçнĕ хыççăн унăн сывлăхĕ лайăхланатчĕ. Сиплĕскере кунне виçĕ хутчен апат хыççăн пĕрер апат кашăкĕ ĕçетчĕ. Сĕткене пылпа хутăштаратчĕ. Ăна холодильникра упратчĕ.

Хурăн сĕткенĕ пÿрене ĕçлеме пулăшать, организмри япала ылмашăвне йĕркене кĕртет, шăк йÿçекне кăларма пулăшать.

Ирина ЕФИМОВА.

Патăрьел районĕ.

8 Мая, 2015

Кук тĕрринчен мĕнле хăпмалла?

Çуркунне çитнĕ май пите кук тĕрри тухать. Çутă ÿт çинче вăл лайăх палăрать. Ăна пĕтерме тем те туса пăхрăм ĕнтĕ, анчах унран ниепле хăпса пĕтейместĕп. Тĕрлĕ крем сĕрнипе пит кушăрхарĕ, усси вара пулмарĕ. Вĕсене туянса укçа çеç пĕтертĕм. Кук тĕрринчен килти мелпех хăпма çук-ши?

Ксения М. Шупашкар районĕ, Кÿкеç поселокĕ.

мая 6th

6 Мая, 2015

Тавах сана, салтак-ветеран!

1941-1945 çулсенчи Тăван çĕршывăн Аслă вăрçинче çĕнтернĕренпе кăçал 70 çул çитет. Чаплă уява кĕтсе илме çĕршывра тăрăшса хатĕрленеççĕ, çав шутрах республикăра та. Çавна май Аслă Çĕнтерÿ ячĕпе ятарлă акцисем, уйăхлăхсем, спорт тата культура мероприятийĕсем иртеççĕ.

6 Мая, 2015

Хамăр ларакан турата касатпăр

Чăваш Республикин Пуçлăхĕ Михаил Игнатьев Патшалăх Канашне янă Çырура сĕт туса илекен килти хушма хуçалăхсемпе, вĕсем паракан сĕт пахалăхне шута илсе, тÿлесе татмалли тухăçлă тытăма 2015 çулхи июль уйăхĕн 1-мĕшĕнчен туса хума ыйтнă. Республикăри хăш-пĕр районта çĕнĕлле ĕçлеме тытăннă ĕнтĕ. Анчах чылай çĕрте çĕнĕлĕхе ниепле йышăнса çитерейменни сисĕнет. Вĕсем малашне те хăнăхнă йăлапах ĕçлесшĕн пулас. Ара, капла услам тума çăмăлрах çав. Çакна Хĕрлĕ Чутай районĕнчен редакцие килнĕ çыру та çирĕплетет.

Ăçта тĕрĕслĕх?

6 Мая, 2015

Вилсе чĕрĕлнĕ çын

- Вăрçă çинчен каласа пама ыйтсан атте куçĕнчен куççуль шăпăртатсах юхса анатчĕ: «Эпир тÿснине ачасемпе мăнукăмсем ан курччăр», - тетчĕ чĕререн хурланса, - асаилеççĕ ывăлĕпе хĕрĕ, Николайпа Римма Сюзюкинсем.

6 Мая, 2015

Таврăнмарĕç пиччесем вăрçăран...

"Украинăн инçе çĕрĕнчен эп

Кăшт çырасшăн салам кил-йыша –

Темшĕн-çке эп паян чăтаймарăм

Чĕреме çунтармасăр тăма..."

Çак йĕркесене 1941 çулта манăн аслă пичче Мартын Павлович Павлов çырса янă. Ун чухне вăл, 22-ри çамрăк, виççĕмĕш çул Дрогобыя тата Житомир хулисем çывăхĕнчи çар чаçĕнче службăра тăнă.

"Ку сăвва ак çыратăп хирте эп,

Украинăн паха çĕрĕнчен.

Сăввăма эп сире пехиллетĕп,

Шухăш ман яланах сир(ĕ)н çинчен".

Страницы