Архив - Июл 2014 - Хресчен сасси

июля 18th

18 Июл, 2014

Курăк удобренийĕ

Пахча çимĕçне курăк шывĕпе апатлантарни лайăх пулни çинчен çыратăр. Калăр-ха, тархасшăн, курăка каткана çу тăршшĕпех хушса пыма юрать-и? Шур утипе шĕпĕн курăкне яма юрать-и унта? Шĕвеке хупласан е хупламасан аван?

Лариса Макарова. Тăвай районĕ.

18 Июл, 2014

Ачасем килтех-и?

Çулла чылайăшĕ ачисене яла, аслашшĕ-асламăшĕ, кукашшĕ-кукамăшĕ патне ăсатать. Уçă сывлăшпа сывлаччăр, канччăр, шкула кайиччен вăй пухчăр теççĕ. Ялта улми-çырли те куç тулли-çке. Качака е ĕне сĕтне ĕçни, килти чăх çăмартине çисе пурăнни мĕне тăрать! Ял – ырлăх. Анчах хăшĕ-пĕриншĕн вăхăтлăх кану ирĕке тухнипе танах. Ашшĕ-амăшĕ инçетре, асламăшĕсем вара юратнă мăнукĕсене пуçран кăна шăлаççĕ.

18 Июл, 2014

Ремонтатлă çĕр çырлине хăçан апатлантармалла?

Çуркунне тата çăвăн пĕрремĕш çурринче хĕрелекен çырлана вараламасăр органика хывмалла. Урăхла каласан 1-2 уйăхра пĕр хут 1 тăваткал çĕр пуçне 3-5 кг навус е компост тăкмалла. Утă уйăхĕн вĕçĕнчен вара – кĕлпе: 3-4 эрнере пĕр хут 1 тăваткал метра 200-300 г кĕл (пĕр тĕм пуçне 2 чей кашăкĕ).

июля 16th

16 Июл, 2014

Аса ил, юлташăм, Афгана

Пĕтĕм Раççейри афганецсен тата çарта сусăрланнисен "Вăрçă инваличĕ" обществăлла организацин Чăваш Енри пĕрлĕхĕ Муркаш районĕнче черетлĕ культурăпа спорт мероприятийĕ ирттерчĕ. "Ветерансемпе инвалидсем – сывă пурнăç йĕркишĕн" ят панă ăна.

16 Июл, 2014

Лайăх ят мулран паха

Алла çава тытнă Валентина Семенова Мучар ял (Елчĕк районĕ) урамĕпе васкать. "Кăнтăр апачĕ вăхăтĕнче те канасшăн мар сутуçă", – пуçра тÿрех вĕçсе илчĕ шухăш. Тинтерех кăна лавккара паллашнăччĕ унпа. "Çулма мар, çавана туптама парасшăн", – терĕ пире сăмах хушнă май.

июля 11th

11 Июл, 2014

Пĕччен пуç усăнать

Çак кунсенче эпир Çемье, юрату тата шанчăклăх кунне паллă турăмăр. Ялти çыннăн праçнике кĕрекене ларсах уявлама май килмерĕ пулин те – пуçра тĕрлĕ шухăш явăнчĕ.

Ĕмĕр сакки сарлака теççĕ халăхра. Анчах мĕн сарлакăш-ши вăл, ăна никам та пĕлмест. Ытарлăн каланă ĕнтĕ. "Манăн ĕмĕр сакки çитмĕл çичĕ çулпа танлашрĕ. Малашне тата мĕн чухлĕ нуша курмалла-ши? Пĕлместĕп", – пуçларĕ хăйĕн сăмахне Укçине кинемей, Етĕрне енчи Сăкăт тăрăхĕнчи пĕр ялта пурăнаканскер.

11 Июл, 2014

Чие йывăçĕ

Кашни килте тенĕ пекех чие йывăçĕ пур. Чылайăшĕ унăн çырлипе çеç усă курать. Çав вăхăтрах чиен çулçи те, турачĕ те, чечекĕ те – пурте усăллă. Вĕсене йывăç сĕткенĕ куçма тытăнсан пухмалла. Çырла тунипе (плодоножка) вăррине вара çулла хатĕрлемелле.

11 Июл, 2014

Кăлармасан – вĕтĕлет

Тюльпана пĕр хут лартнă та урăх нихăçан та куçарса е кăларса аппаланман. Хăйсемех тухаççĕ. Çынсем вара кашни çулах кăларнине калаççĕ. Кирлех-ши çапла туни?

Тюльпан чечекĕ пысăк, гиацинт туни çÿллĕ пултăр тесен вĕсене кашни çулах чавса кăлармалла. Икĕ-виçĕ çулта пĕрре çеç кăларсан е çак ĕçе пачах тумасан вĕсем чечеке пĕр вăхăтра лармаççĕ, вĕтĕлеççĕ.

Тюльпан паранкине çулçипе туни сарăхнă хыççăн кăлармалла.

июля 9th

9 Июл, 2014

Чысра – ĕçченлĕх, пултарулăх

Тихвин ярмăрккин уявĕнчи Акатуйра Çĕрпÿ районĕн çĕр ĕçченĕсем тулли кăмăлпа савăнчĕç. Район администрацийĕн пуçлăхĕ Сергей Артамонов асăннă тăрăх – пĕрчĕллĕ тата пăрçа йышши культурăсене 20002 гектар акнă. Çакă пĕлтĕрхи шайăн 111 проценчĕпе танлашнă. Ял хуçалăх культурисене пĕтĕмпе 28021 гектар çинче акнă тата лартнă.

9 Июл, 2014

Вăрман пăхать пахчана

"Пĕр е икĕ ачаллă çемьесем Березовка ялĕнче сайра пулнă. Тĕслĕхрен, Исаевсем саккăрăн ÿснĕ. Вĕсемпе юнашаррисем – çиччĕн, теприсем – пиллĕкĕн. Унтан каллех саккăр, пиллĕк, çиччĕ, пиллĕк..." – пÿрнисене хуçса шутлама тытăнчĕ Канаш районĕнчи çак ялта пурăнакан Валерий Григорьевич Федоров. Иртнине аса илчĕ вăл.

Страницы