Архив - Фев 2017 - Хыпар

февраль 17th

Муниципалитетсенче «Районăн 2016 çулхи экономика аталанăвĕпе социаллă пурнăçĕ тата 2017 çулхи тĕллевĕсем» темăпа кунсеренех канашлусем иртеççĕ. Кашнинчех Чăваш Ен Пуçлăхĕ Михаил Игнатьев хăй хутшăнать.

Юнкун республика Пуçлăхĕ Михаил Игнатьев Комсомольски районĕн социаллă пурнăçĕпе экономикин пĕлтĕрхи аталанăвне тишкерес, кăçалхи тĕллевсене палăртас тĕлĕшпе райцентрта ирттернĕ канашлăва хутшăнчĕ.

Ытларикун ЧР Информаци политикин тата массăллă коммуникацисен министерствин коллегийĕн анлă ларăвĕ иртнĕ. Унта МИХсен, информаци технологийĕсен, полиграфи тата издательство ĕçĕн отраслĕсен представителĕсем хутшăннă, 2016 çулхи ĕçе пĕтĕмлетнĕ.

Çавăнпа специалистсем çурт-йĕре, пурнăçа страхлама сĕнеççĕ

«Инкек куçа курăнса килмест», — теççĕ. Çапах синкер сиенне кăштах та пулин саплаштарма пулать. Çакнашкал йывăр лару-тăрăва лексен нимсĕрех тăрса юлас мар тесен куçман пурлăха маларах страхлама сĕнеççĕ специалистсем.

Питĕ кĕске тапхăртах пĕтĕм чăваш халăхĕ паллакан пулчĕ ăна. Паллакан пулчĕ кăна та мар, куракан-итлекен юратăвне вăл хăйĕн пултарулăхĕпе, чуна пырса тивекен тарăн шухăшлă юррисемпе çĕнсе илчĕ. Юрă валли кашни сăвва тĕплĕ суйлакан юрăçăн сасси те хăйнеевĕр, вăл таçтан шалтан сăмахăн-сăмахăн хускалса тухса куракан ăсне пырса тивет, иртнине вĕçĕ-хĕррисĕр шухăшсен авăрне путарса аса илтерет, пурнăç ыйтăвĕсене куç умне яр уççăн кăларса асаплантарать, çав вăхăтрах хавхалантарса çÿл тÿпене ăмăрткайăкла вĕçтерсе хăпартать, ырă та çутă малашлăха ĕненме вăй-хăват хушать. «Хыпар» тĕпелĕнче паян — чăваш эстрадине çĕнĕ варкăш илсе кĕртнĕ, халăхра ырă ят-сум çĕнсе илнĕ Фарида. Мĕнле хаклать вăл хальхи чăваш культурине? Мĕнлерех тĕллевсемпе пурăнать?..

17 Фев, 2017 | Хыпар | Культура | память

Ĕпхÿри П.М.Миронов ячĕллĕ чăваш вырсарни шкулĕнче Максим Ивановăн — Раççей çарĕн А.В.Александров ячĕллĕ юрăпа ташă ансамблĕн солисчĕн — асăну каçĕ иртнĕ. Аса илтерер: ентеш иртнĕ çул РФ Оборона министерствин самолечĕпе Сирие вĕçнĕ чухне Хура тинĕс çийĕнчи авиакатастрофăра вилнĕ.

17 Фев, 2017 | Хыпар | Спорт | Маттур!

Турцири Эрзурум хулинче Европăри çамрăк спортсменсен Олимп фестивалĕ старт илнĕ. Тĕрлĕ çĕршывран пухăннă 39 команда трамплинран сикес, эрешлесе ярăнас, йĕлтĕрпе чупас енĕпе, керлинг, сноуборд, биатлон, хоккей, шорт-трек турнирĕсенче тупăшаççĕ.

Ют укçана хăйсен тумашкăн ултавçăсем мĕнле кăна мелпе усă курмаççĕ! Вĕсен фантазине Уголовлă кодексăн хаяр санкцийĕсем те чараймаççĕ. Интернет аталаннă май ултавçăсем пушшех иртĕхеççĕ.

Суя чаршавĕ сирĕлнĕ

Николай Ишентей ку чухнехи чăваш литературинчи сумлă ятсенчен пĕри. 64 çул каялла Çĕрпÿ районĕнчи Тури Шурçырма ялĕнче çуралнă. Чăваш ял хуçалăх институтĕнче пĕлÿ пухнă, çарта пулнă. Производствăра вăй хунă вăхăтрах И.Н.Ульянов ячĕллĕ Чăваш патшалăх университетĕнче ăсне туптанă. Пурнăçăн вун-вун авăкĕнче хăйне тĕрлĕ ĕçре тĕрĕсленĕ. Çав тапхăртах пултарулăх лаççинче те чылай çитĕнÿ тунă, вулакана 20 ытла кĕнеке парнеленĕ. Вăл — Чăваш Республикин культурăн тава тивĕçлĕ ĕçченĕ, Çеçпĕл Мишши ячĕллĕ преми лауреачĕ. «Литературăллă Чăваш Ен — чи лайăх вуланакан кĕнеке» конкурсра унăн кĕнекисем тăватă хутчен малти вырăна тивĕçнĕ. Ачасемпе çамрăксем валли çырнă кĕнеке алçырăвĕсен республикăри конкурсĕн çĕнтерÿçи. Хальхи вăхăтра çыравçă «Хыпар» Издательство çуртĕнче ĕçлет, «Капкăн» кулăш журналне редакцилет.

Страницы