Архив - Фев 2017 - Хыпар

февраль 2nd

2 Фев, 2017

Аслисен çулĕпе

Ашшĕ - комбайнпа, амăшĕ - тракторпа

"Çĕре юратса, кăмăлтан ĕçлес килет. Ырлăх панăшăн çĕр-аннемĕре пирĕн чунтан тав тумалла", — тет Елчĕк районĕнчи Кармалта çуралса ӳснĕ Надежда Семенова. 13 çул культура тытăмĕнче тăрăшнăскер ял çыннисене вăл пайтах юрласа-ташласа савăнтарнă. Халĕ пиччĕшĕ йĕркеленĕ фермер хуçалăхĕнче трактор çӳретет, выльăх пăхать, ĕне те сăвать. Елчĕке качча тухнăскер тăван Кармал ялĕнчен уйрăлаймасть. Мăшăрĕпе пĕрле район центрĕнчен кунсерен унта ĕçе çӳрет, çывăх тăванне пулăшать.

2 Фев, 2017

Ĕçчен çынна ял савать

Сăпайлă, ытлашши сăмах ваклама килĕштермен арçын кăмăлне çавăрма, чĕлхине "уçма" çăмăл мар. "Выльăх-чĕрлĕх йышлă усракансем сахал-им?" — турткалашрĕ вăл малтанах. Анчах ял пурнăçĕ, ĕçĕ-хĕлĕ пирки калаçнă май кăмăлĕ уçăлчĕ. Тăван ен, унăн малашлăхĕ Николай Петрова та канăç памасть.

2 Фев, 2017

«Тӳрĕ тӳлев» проект

«Тӳрĕ тӳлев» пилотлă проект 2011 çулта икĕ регионта хута кайнă /Чулхула облаçĕпе Карачай-Черкес Республикинче/. Унтанпа Раççейри 20 регион «Тӳрĕ тӳлев» çине куçнă. Вĕсен йышĕ çулсерен хушăнса пырать. 2019 çулхи утă уйăхĕн 1-мĕшĕнчен Чăваш Енре те сăнавлă проект хута кĕмелле.

2 Фев, 2017

Çамрăка яла хăварасчĕ

Çамрăксене ял хуçалăх отраслĕпе ытларах кăсăклантарма районсенче аграри класĕсем уçмалли пирки Чăваш Ен Пуçлăхĕ Михаил Игнатьев Патшалăх Канашне янă Çырура та каларĕ. Паянхи куна çакнашкал классем республикăра Шупашкар, Çĕрпӳ, Красноармейски, Патăрьел районĕсенче йĕркеленнĕ. Акă нумаях пулмасть Шупашкар районĕнчи Кăшавăш тата Янăш шкулĕнчи профильлĕ классенче вĕренекенсем Чăваш патшалăх ял хуçалăх академине экскурсие килнĕ. Вĕсене унта ятарлă тумтирпе тивĕçтернĕ. Малашне çамрăксене çири симĕс жилетсене пула тӳрех палласа илĕн.

2 Фев, 2017

Паттăрлăхĕ вилĕмсĕр

Д.А.Фурманов писатель, граждан вăрçин комиссарĕ "Чапаев" романа çырман тата пĕртăван Васильевсем çавăн ятлă фильм ӳкермен пулсан пирĕн ентешĕн иксĕлми паттăрлăхĕ çинчен нумайăшĕ пĕл-местчĕ пулĕ. Николай Стуриков писатель çирĕплетнĕ тăрăх — асăннă фильма Шупашкарта кăтартсан шурсухалсем Борис Бабочкин артист сăнарĕнче тӳрех "Васятка Чапаева" палласа илнĕ. Каярахпа хăш-пĕр чăваш çыравçисем чаплă ентеше кĕнекесенче хăйсем пĕлнĕ пек сăнарлама пуçларĕç.

2 Фев, 2017

«Тантăш» № 4 (4521), 2.02.2017

2 Фев, 2017

Ял пурнăçне кăмăллакан Типшĕм Андрей

Шупашкарта пурăнакан Андрей çулталăкăн кашни вăхăчĕпе кăмăллă. Хĕлле сивĕрен хăраманскер тăвайккинчен ярăнать. Кĕркунне вăрманта сарă, хĕрлĕ, симĕс çулçăсем пуçтарма ухута.

2 Фев, 2017

Кирек хăçан та пулăшма хатĕр

Çĕрпӳ районĕнчи Апакасси шкулĕнче 5-7-мĕш классенче вĕренекенсем çамрăк пушарнăйсем пулса тăчĕç. Çак мероприяти Раççей МЧСĕн тытăмĕнчи Гражданла хӳтĕлев çулталăкĕпе килĕшӳллĕн иртрĕ.

2 Фев, 2017

«Герб, ялав, гимн - пирĕн пуянлăх»

Чăваш Республикин патшалăх символĕсене йышăннăранпа 25 çул çитнĕ май кăрлач уйăхĕн 25-мĕшĕнчен пуçласа ака уйăхĕн 20-мĕшĕччен республикăри ачасемпе çамрăксен библиотеки «Герб, ялав, гимн — пирĕн пуянлăх» республика пултарулăх конкурсĕ ирттерет.

2 Фев, 2017

Вулакансем корреспондентсемпе тĕл пулчĕç

Нумаях пулмасть республикăри ачасемпе çамрăксен библиотекин таврапĕлӳпе наци литературин уйрăмĕнче «Самант» журнал корреспонденчĕпе Нина Царыгинăпа тата «Тантăш» хаçат корреспонденчĕпе Лариса Петровăпа тĕлпулу иртрĕ. Унта Шупашкарти экономикăпа технологи колледжĕн студенчĕсем хутшăнчĕç.

Страницы