Архив - Мар 2015 - Хыпар

март 26th

26 Мар, 2015

Шалкăм çумăр. О.ВАСИЛЬЕВА

Шульц пулăшăвĕсем

Ĕлĕкех Захарничи ялне Шульц килсе вырнаçнă. Пĕрисем вăл латыш, теприсем нимĕç тетчĕç. Шульц ку тăрăхри хĕре, Пелагея Варфоломеевна Богдановăн тăван йăмăкне, качча илнĕ. Çакăнтах ĕмĕрне ирттерме тĕллев лартнă.

Ялта ăна юратмастчĕç. Тен, хыткукарлăхĕшĕн пуль. Пăта, патак е турпас курсан та хăйĕн патне туртатчĕ. Çынсем çине пăхмастчĕ. Куçĕсем чупатчĕç кăна.

- Тĕттĕм çын, - тетчĕç ун пирки ялта.

26 Мар, 2015

ШУПАШКАPТИ ТĔП ПАСАРТИ ХАКСЕМ. /мартăн 25-мĕш. тĕлне/

ПАХЧА ÇИМĔÇ
Килограмм тенкĕ
Çĕрулми 28-35
Купăста 35
Сухан 39-45
Кишĕр 35-40
Ыхра 140-150
Хăяр 90-160
Хĕрлĕ кăшман 35
Помидор 70-160
Пылак пăрăç 100-180
Тăварланă хăяр 100-120
Йӳçĕтнĕ купăста 100-120
 
УЛМА-ÇЫРЛА
Панулми 50-120
Иçĕм çырли 100-180
Апельсин 70-120
Лимон 70-120
Банан 75-100
Шур çырли 300

26 Мар, 2015

Уй хaнкaли: ăна мĕнле пĕтермелле

Юлашки çулсенче çĕрулми ани çинче хăнкăласем асăрхатăп. Хăнкăла чĕпписем пĕчĕккĕ чухне питĕ хитре, кăвак, симĕс, ылтăн тĕслĕн йăлтăртатаççĕ. Çитĕнсен хăмла çырли хăнкăли пек хăмăрланаççĕ. Çак хăнкăласем хыççăн çĕрулми туни патĕнче шанса, çемĕçсе каять, çеçки типет. Вĕсемпе мĕнле кĕрешмелле-ши?

Э.ПОНЯТИНА.

Çĕнĕ Шупашкар.

 

26 Мар, 2015

Кам хуравлĕ?

Хисеплĕ редакци!

Ах пурăнăç, пурăнăç
Мĕншĕн эсĕ пăрăнăç,
Хăш енчен килет-ши çĕн вăй-хал. - тесе юрлать А.Никитин.

Çапла,хăш енчен килет-ши хресченĕн ырă пурнăçĕ? "Лайăх пурнăçне ăна хамăрăн тума пĕлмелле, ĕçлемелле, алă тытса ларнипе мĕн пултăр", - тейĕç. Анчах та пуçа çĕклемесĕр, çурăм çине салтак кутамкки пысăкăш курпун тухиччен ĕçлесен те çĕр ĕçченĕ малалла каяймасть.

- Çĕрпе ытларах ĕçлемелле, выльăх-чĕрлĕх нумай усрамалла, вĕсенчен продукци ытларах туса илсе, сутса укçа тума пĕлмелле, - теççĕ пуçлăхсем тĕлпулусенче.

26 Мар, 2015

Ревень

Ревень - нумай çул ÿсекен курăк. Унăн тымарĕ питĕ хăватлă - 4 çул тĕлне 10 кг çитет. Тĕмĕ çинче курăнакан пысăк хĕрлĕрех тĕслĕ папкасем юр кайсанах ÿсме пикенеççĕ. Часах тĕреклĕ туна çинче пысăк çулçăсем тухса лараççĕ. Ревень хăвăрт ÿсет. Иккĕмĕш çулхине унăн туни 2 м яхăн пулать. Чечекĕсем кăшкар утинни пек шăпăрланса тăраççĕ. Ревень вăрлăхĕн шăтаслăхĕ 3-4 çула упранать. Вăрăпа тата тĕме пайласа ĕрчетме пулать.

март 25th

25 Мар, 2015

50 çул - йĕркелĕхпе хăрушсăрлăх хуралĕнче

1965 çулхи мартăн 22-мĕшĕнче Хусан хулин конвой хуралĕн 226-мĕш отрячĕн 2-мĕш дивизионĕн никĕсĕ çинче Общество йĕркине сыхлакан министерствăн конвой хуралĕн 912-мĕш уйрăм дивизионне йĕркеленĕ, вăл Шупашкар, Çĕнĕ Шупашкар, Улатăр тата Куславкка хулисенче айăпланнисене сыхлассипе çыхăннă ĕçе пурнăçланă.

25 Мар, 2015

Чăваш халăхĕн культури пуян, ăна упраса малалла ăнтăлмалла!

Тунтикун ЧР Пуçлăхĕ Улатăрта пулчĕ. Совет Союзĕн Геройĕ П.Макаров ячĕллĕ шкулта ачасене вĕрентессине еплерех йĕркеленипе паллашрĕ.

25 Мар, 2015

Чĕрен пĕркеленчĕксем çук...

Арăмĕ упăшкинчен аслăрах пулни мăшăра телейлĕ пулма кансĕрлемест-и? Çулсем иртнĕçемĕн кун пек çемьере арçын айккине чупма пуçламасть-и? Мĕншĕн хăйĕнчен 10 çул аслă йĕкĕте качча тухакан пикене никамах та сÿтсе явмасть, çав вăхăтрах этемлĕхĕн черчен çуррийĕ хăйĕнчен пĕр теçетке çул кĕçĕнрех каччăпа «пĕр сукмакпа утма» килĕшни пирки сăмах-юмах тăватех? Кун пек чухне мĕн каласси те - куçкĕрет, халăх «çăварĕ» иккĕшне те «чĕпĕтсе» илетех.

Страницы