Архив - 10 Окт, 2014 - Хыпар

Шупашкарти «Спартак» физкультурăпа сывлăха çирĕплетмелли комплексăн стадионĕнче çын йышлă пухăнчĕ. Пурте савăнăçлă, чылайăшĕ спорт тумĕпе, хаваслă кĕвĕ янăрать... Кунта Пĕтĕм Раççейри «Ĕçпе хÿтĕлеве хатĕр» /ГТО/ физкультурăпа спорт комплексĕн нормативĕсене йышăнмалли пĕрлехи кун иртрĕ.

Тĕп хулари Хĕрлĕ тÿремре спортсменсем, спорта юратакансем хуçаланнă вăхăтра Республика лапамĕнче спортпа çыхăннă Пĕтĕм тĕнчери куравсемпе экспозицисем ĕçлеме пуçларĕç. "Спорт литератури, пресса тата мультимедиа" курава "Раççей - спорт çĕр-шывĕ" форум ирттерме тытăнсан йĕркеленĕ.

Ĕнер Чăваш Енĕн тĕп хулинче Пĕтĕм тĕнчери утакансен кунĕ старт илчĕ. Кун йышши пулăм Раççейре - пĕрремĕш хут. Акцие тĕнчери 150 çĕр-шывра "Спорт пурин валли те" ассоциаци /TAFISA/ пулăшнипе 1991 çултанпа йĕркелеççĕ. Пĕтĕмпе унта халĕччен 12 млн ытла çын хутшăннă.

Раççей тĕп хулинчи Национальноçсен çурчĕ унта пурăнакан ентешсемшĕн тăван кил пекех. Вырăнти чăваш наци культура автономийĕн ертÿçисен пуçарăвĕпе унта чăваш культуришĕн пĕлтерĕшлĕ чылай мероприяти иртет.

Культура çулталăкĕнче тĕрлĕ шайри конкурссем иртеççĕ. Вĕсенчен пĕри - аслă вĕренÿ заведенийĕсем валли кăларнă кĕнекесен федерацин Атăлçи округĕн регионти тăваттăмĕш конкурсĕ. Вăл Шупашкарти коопераци институчĕн никĕсĕ çинче "Университетская КНИГА" информаципе аналитика журналĕ пулăшнипе иртнĕ.

Çак кунсенче Элĕкри тавра пĕлÿ музейĕнче "Пурнăç малаллах тăсăлать" курав ĕçлеме пуçланă. Унăн авторĕ - Вăрнар районĕнче çуралса ÿснĕ Юрий Бурмистров.

Курава район администрацийĕн культурăпа архив ĕçĕн секторĕн ертÿçи Людмила Семенова тата район музейĕн директорĕ Светлана Железнова уçнă.

Нумаях пулмасть Чăваш патшалăх оперăпа балет театрĕ хăйĕн юбилей сезонне Григорий Хирбю композиторăн "Нарспи" оперипе уçрĕ. Асăнса хăварар: опера театр сцени çине пуçласа 1967 çулта тухнă. Ăна Борис Марков лартнă. Ун хыççăн Тамара Чумакова кăларнă.

Культура çулталăкĕ Ф.П.Павлов ячĕллĕ Шупашкарти музыка училищишĕн те пĕлтерĕшлĕ. Шăпах кăçал вăл концерт вăхăтĕнче усă курмалли пысăк рояллĕ пулчĕ.

Шупашкарти ÿнер училищинче ĕçлекенсемпе вĕренекенсемшĕн 2014 çул Культура çулталăкĕ пулнипе çеç мар, вĕсен вĕренÿ заведенийĕн сумлă юбилейĕпе те асра юлĕ. Ăна уçнăранпа кăçал 80 çул çитрĕ. Ÿнер училищи паян - наци кадрĕсем хатĕрлекен центр.