Архив - Окт 2019

Чĕлхе аталанаслăхĕ вăл е ку халăхăн литератури мĕнле шайра пулнинчен те килет. Енчен те пĕр халăх литературипе теприсем паллашса, унти ыррине, лайăххине илсе аталанаççĕ пулсан чĕлхе те чĕрĕрех пулать. Эппин, литература хайлавĕсене пĕр чĕлхерен теприне куçарасси — питĕ пĕлтерĕшлĕ ĕç. Чăваш çыравçисем ку тĕлĕшпе аван ĕçленине палăртмалла — ку чухне тĕнче литературин хайлавĕсене чăвашла та тупса вулама пулать. Шел те, кĕмĕлĕн тепĕр енĕ хальлĕхе тĕксĕмрех-ха.

Икĕ пайлă трагикомеди

* Шупашкарта рекордсем çĕнелчĕç

* Сехет çине пăхмасăр вăй хурсан режиссера театр юратать

Юпа уйăхĕн 19-20-мĕшĕсенче «Хыпар» хаçат кире пуканĕ йăтакансене Шупашкара пухрĕ. В.Ярды ячĕллĕ спорт шкулĕнче иртнĕ Пĕтĕм Раççейри турнирта Кировпа Санкт-Петербургран, Тутарстанпа Тюменьтен, Самарпа Чулхуларан, Пушкăртстанпа Свердловскран, Мордовипе Чăваш Енĕн тĕрлĕ кĕтесĕнчен килнĕ пăхаттирсем тĕп парнесене çĕнсе илессишĕн тупăшрĕç.

Валерий Яковлев, СССР халăх артисчĕ, РФ Патшалăх тата ЧР Патшалăх премийĕсен, Раççейри театрсен «Ылтăн маска» наци премийĕн лауреачĕ, 80 çул тултарчĕ. Вăл К.В.Иванов ячĕллĕ Чăваш патшалăх академи драма театрне, Раççейри наци театрĕсенчен вăйлисенчен пĕрне, 40 çул ытла ертсе пырать.

Елчĕк районĕнчи Çĕнĕ Пăвара пурăнакан, сакăр теçетке çула хыçа хăварнă сумлă ĕç ветеранĕ Луиза Викторова ăраскалне ÿпкелемест. Пачах тепĕр майлă йышăнать…