Архив - Авг 2017

Август 16th

Ялсенче çынсем кил-çурта кăна мар, урамсене те тирпейлĕ тытма тăрăшни савăнтарать. Çав хушăрах кăмăла хуçаканни те пур-ха. Акă Сĕнтĕрвăрри районĕнчи Сĕнтĕрпуçĕнчи Тĕп урамра нумай хваттерлĕ çурт умĕнче чечек вырăнне мăянпа хыт хура ешереççĕ. Вĕсене çулса пăрахма вăхăт та, кăмăл та çук пулас кунта пурăнакансен.

Лариса НИКИТИНА. Автор сăн ÿкерчĕкĕ.

Çак кунсенче Хĕрлĕ Чутай сали — 435, район йĕркеленнĕренпе 90 çул çитнине анлă паллă тунă.

Уяв ЧР культурăн тава тивĕçлĕ ĕçченĕ Александр Самсонов тата арçынсен хорĕ район гимнне юрланипе уçăлнă. Пухăннисене район ертÿçисем, сумлă хăнасем саламланă.

Сĕнтĕрвăрри районĕнчи Сĕнтĕрпуçĕнчи Клементьевсем çемйипех фермерсем темелле. Андрей Николаевич вунă çул каяллах çак лава кÿлĕннĕ. Ăна кура шăллĕ Николай та фермер хуçалăхĕ йĕркеленĕ. Кăçал патшалăх пулăшăвне илме конкурса хутшăннă, гранта тивĕçнĕ.

Лариса НИКИТИНА. Автор сăн ÿкерчĕкĕ.

Август 15th

«Ырă ĕç туни çын патне ырăпах таврăнать», — тени çав тери тĕрĕс. Çакна Сĕнтĕрвăрри районĕнчи Карапашра пурăнакан 95 çулти Анна Рыбакова патĕнче пулнă хыççăн тепĕр хут ĕнентĕм. Кирек епле пулсан та пурнăçра хĕпĕртемелли тупма пĕлмелле. Çакă телее илĕртет.

Шупашкарти Ленин районĕн сучĕ хăй вăхăтĕнче "Федерацин автомобиль çулĕсен "Прикамье" управленийĕ" хысна учрежденийĕн пуçлăхĕн тивĕçĕсене пурнăçланă Дмитрий Филиппов должноç полномочийĕсемпе киревсĕр тĕллевпе усă курнăшăн айăплă тесе йышăннă. Упрдорăн патшалăх саккасĕсене вырнаçтарассишĕн яваплă пайĕн пуçлăхне Мария Антроповăна ăна должноç полномочийĕсемпе киревсĕр тĕллевпе усă курма пулăшнăшăн айăпланă.

Иртнĕ эрнекун Чăваш Енре пурăнакансем, вĕсем кăна та мар — тĕнче уçлăхне парăнтарас ĕçпе çыхăннă этемлĕх — пирĕн ентеш Андриян Николаев космоса пĕрремĕш хут вĕçнĕренпе 55 çул çитнине сумлăн паллă турĕç.

Космонавтсем — Шупашкарта

15 Авг, 2017 | Хыпар | Здоровье | Хаклав

Çурла уйăхĕн 11-мĕшĕнче Халăх фрончĕн «Пахалăха халăх хак парать» проектпа килĕшÿллĕн ирттернĕ сăнавпа тĕрĕслев ĕç-хĕлне пĕтĕмлетнĕ.

Халăх тĕрĕслевçисем республикăри пилĕк поликлиникăра — Шупашкар, Етĕрне, Сĕнтĕрвăрри, Çĕрпÿ, Вăрмар районĕсенчи тĕп больницăсенче — пулнă. Сиплев учрежденийĕсен пациентсен кăмăлĕ тулнине, хăтлăха, информаципе туллин тата уççăн усă курма май пуррине, тухтăр патне кĕме кĕтсе ирттернĕ вăхăта, медицина ĕçченĕсем ырă сунса кĕтсе илнине тĕпе хурса хакланă.

Страницы