Иртет пурнăç... мунчара
Мускавра ĕç тупса параканĕ шăнкăравласан тепĕр куннех Чĕкеç Ваççукĕ хăйĕн бригадине пуçтарчĕ — кам мĕн шухăшланине пĕлме, йыхрав тăваканăн сĕнĕвне сÿтсе явма. Пиллĕкĕн çÿреççĕ вĕсем, темиçе çул ĕнтĕ, пĕр улшăнми. Пурте лайăх пĕлекенсем, юлташсем, тăвансем. Чăн та, хальхинче Петĕр пулмарĕ, арăмĕн пиччĕшĕ çĕнĕ хваттер туяннă та ăна юсама пулăшать-мĕн, ку хутĕнче Мускава пыраймассине е, Ваççукпа ыттисем килĕшсен, каярах пыма пултарассине вăл шăнкăравланă чухнех пĕлтерчĕ.