Архив - Ноября 2017

ноябрь 3rd

Элĕк районĕнчи Вутлан ялĕнчи Николай Сапожниковпа килĕнче калаçса ларатпăр. Сакăр вун пиллĕке çитнĕскерпе сăмах çăмхи майĕпен сÿтĕлсех пычĕ. Çакна ăнлантăм: Николай Ефимовича пурнăç такăнтарман, хăй вăл йывăрлăхсене çĕнтерсе пыма ялан вăй-хал çитернĕ.

— «Хунямапа кин» текен хутшăну пылак пулмасть ĕнтĕ. Мана та темшĕн юратмастчĕ иккĕмĕш анне вырăнне йышăнмалли хĕрарăм. Сăлтавсăрах вăрçатчĕ. Хĕр тупнăшăн та лекетчĕ: ача çуратма пĕлместĕп имĕш, — халĕ çакăн пирки шÿтлĕн каласа кăтартать те, Етĕрне районĕнчи Тептере пурăнакан Алевтина Мазурова чунне çак сăмахсем витермен те тейĕн.

ноябрь 2nd

* Вĕлле хурчĕсене ирĕкрех хĕл каçаратпăр

* Пемза чăнни мар пек туйăнать

* Иçĕм çырлине хĕле хатĕрлетпĕр

* Тимĕр тутăхнăран

* Ирĕкре ÿснĕ помидор лайăх упранать

 

2 Ноября, 2017 | Тантăш | Культура | Ыйтăм

Хэллоуин — авалхи кельт уявĕ, ăна юпа уйăхĕн 31-мĕшĕнче паллă тăваççĕ. Нумайăшĕ "Çветтуйсен кунĕ умĕнхи каç" тет Хэллоуина. Çак каç усал-тĕселе хăваласа ярасси малти вырăнта тăрать. Уявăн тĕп палли — кавăнран туса хатĕрленĕ çуткăч. Ача-пăча шурă тăхăнса аслисене хăратать, лешсем шăпăрлансенчен хăтăлас тесе вĕсене парне параççĕ, пылак çимĕçпе хăналаççĕ. Пирĕн çĕршыва Хэллоуин 1990 çулта кĕнĕ. Европăра тата Америкăра ку уява анлă паллă тăваççĕ. Раççейре вăл ытларах çамрăксен хушшинче сарăлма пултарнă.

Крым Республикинчи Пĕтĕм тĕнчери «Артек» ача-пăча центрĕнче çак кунсенче шкул ачисен хушшинче Пĕтĕм Раççейри ГТО физкультурăпа спорт комплексĕн çуллахи фестивалĕ иртет. Ăна РФ Спорт тата РФ Вĕрентÿпе наука министерствисем йĕркелеççĕ. Фестивале Раççей регионĕсенчи 85 команда хутшăнать. ГТО фестивалĕн программин зачечĕсен пĕтĕмлетĕвĕсем тăрăх, Чăваш Енĕн пĕрлештернĕ команди 85 регион йышĕнче 3-мĕш вырăна тивĕçнĕ.

Раççейре Экологи çулталăкĕ пулнă май ака уйăхĕн 20-мĕшĕнчен пуçласа юпан 20-мĕшĕччен рес- публикăра «Манăн пĕчĕк тăван çĕршывăн çут çанталăк палăкĕсем» конкурс иртнĕ. Ăна республикăри ача-пăча тата çамрăксен библиотеки йĕркеленĕ. Конкурс тĕллевĕ — çитĕнекен ăрăва тăван тăрăхри çут çанталăкшăн яваплăха туйма, тимлĕ пулма хăнăхтарасси.

Страницы