Архив - Фев 2014

Агропромышленноç ыйтăвĕсемпе, апат-çимĕç рынокĕн лару-тăрăвне тишкерес, унти улшăнусене çийĕнчех хак парас тĕлĕшпе ĕçлекен правительство комиссийĕн тата ЧР Ял хуçалăх министерствин коллегийĕн анлă ларăвĕ иртрĕ. Ăна ЧР Министрсен Кабинечĕн Председателĕн çумĕ-ял хуçалăх министрĕ Сергей Павлов ирттерчĕ.

Дачăри кÿршĕсем картана хăйсем тĕллĕн пирĕн лаптăк еннелле куçарнă. Пĕлĕшсем каланă тăрăх - чикке саккунпа палăртмасан çав çĕре çухатма пултаратпăр тата вăл пирĕн иккенне çирĕплетейместпĕр. Çак йĕркене мĕнле майпа тата ăçта уçăмлатмалла, ăна кам ирттерет? Кун пирки кÿршĕсене те пĕлтермелле-и?

В.ЛОГИНОВ.

Нарăсăн 8-мĕшĕнче Советскинчи каток хоккей вăййине кăмăллакансен шавĕпе тулнă. Ăмăртăва районти 4 ял тăрăхĕнчен командăсем хутшăннă.

Район администрацийĕн ял хуçалăх пайĕ кашни эрне вĕçĕнчех халăхран сĕт туянакан юридици сăпачĕллĕ предприятисемпе уйрăм предпринимательсем çак продукцие мĕн хакпа илнин кăтартăвĕсене пуçтарма тытăнчĕ. Çапла туни питĕ тĕрĕс. Çынсен ку енĕпе лару-тăру мĕнлерех пулса пынине вăхăтра пĕлсе тăмаллах.

Раççей Федерацийĕн Президенчĕ çумĕнчи Халăх хуçалăхĕпе патшалăх службин академийĕн /ХХПСА/ Шупашкарти филиалĕнче «Раççейĕн глобализаци тапхăрĕнчи тикĕс аталанăвĕн малашлăхĕпе çивĕч ыйтăвĕсем» ăслăлăх-практика конференцийĕ иртнĕ.

Шупашкар районĕн прокуратури Н.Павлова тата А.Данилова Ишлейри «Ишлейский» ЖКХ УК» ОООра ĕçлев саккунĕсене пăсни çинчен пĕлтернине тĕрĕслерĕ, çитменлĕхсене тупса палăртрĕ.

Тĕрĕслев çирĕплетнĕ тăрăх - Н.Павлова çак управляющи компанире 2012 çулхи кăрлачăн 13-мĕшĕнчен тытăнса ĕçленĕ. Пĕлтĕрхи раштав пуçламăшĕнче хăйĕн ирĕкĕпе ĕçрен кайнă. Анчах ĕç укçи тĕлĕшпе унпа ĕçленĕ юлашки кун туллин татăлман. Кăçалхи кăрлачăн 9-мĕшĕ тĕлне те парăм пулнă.

Ĕлĕк ялти пур ĕçе те ал вĕççĕн тунине пурте пĕлеççĕ. Эпĕ Шупашкар районĕнчи Сарапакасси ял тăрăхĕнче чăпта çапнипе кăсăклантăм.

Эрне кун, нарăс уйăхĕн 7-мĕшĕнче, Сочири «Фишт» стадионта XXII Олимп вăййисем уçăлнине халалланă чаплă уява тĕнчери мĕльюн-мĕльюн çынпа пĕрле курса савăнтăмăр. Пирĕн çĕр-шывăн пуян та вăрăм кун-çулĕнчи паллă сăнарĕсемпе пулăмĕсене тепĕр хут аса илтĕмĕр.

Мускав хăнин куравĕ

Авал Раççейри кашни хĕрарăм тĕрленĕ. Çак пултарулăх халăхăн хăйне евĕр ăсталăхĕпе çыхăннă. Йĕппе тата тĕрлĕ çиппе хĕрарăмсем шурă пире искусство произведенине çавăрнă.

Хĕр ачасем 7-8 çултанах хĕр тупри хатĕрлеме пуçланă. 15-16 çул тĕлне вĕсен çÿпçинче праçникре тата куллен тăхăнмалли çи-пуç, вырăн таврашĕ, сĕтел çитти, темиçе пит шăлли пулмалла пулнă. Туй умĕн вĕсене пурте курмалла çакса хунă. Çакă хăйне евĕр курав пек пулнă.