Архив - Дек 2014

Çак ятпа Куславкка районĕнче ыркăмăллăх акцийĕ иртнĕ. Ăна «Пĕрлĕхлĕ Раççей» партипе «Çамрăк гварди» общество организацийĕн вырăнти уйрăмĕсем пуçарнă.

Пĕтĕм çĕршывĕпе ирттернĕ Культура çулталăкĕ Вăрнар район халăхĕн кулленхи пурнăçне те савăклатакан тĕрлĕ мероприяти-акцие, кану каçĕсемпе, уявсемпе тулли пулчĕ. Çапла пĕтĕмлетрĕç кунта Çулталăка официаллă йĕркепе «хупма» пухăнсан.

Раççей Президенчĕн федерацин Атăлçи округĕнчи /ФАО/ полномочиллĕ представителĕн заместителĕ Алексей Суховпа Китай Халăх Республикин ют çĕршыв ĕçĕсен министрĕ Чэн Гопин ертсе пынипе декабрĕн 22-мĕшĕнче Ульяновск хулинче ФАО регионĕсемпе Китайри Янцзы юханшывăн тури тата вăтам тăрăхĕнчи провинцийĕсен пĕрлехи ĕç ушкăнĕсен çумпредседателĕсен тĕлпулăвĕ иртнĕ.

Пурте çителĕклĕ, выçă лармăпăр

Иртнĕ эрнере хăшĕ-пĕриншĕн тĕнче пĕтсе килессĕнех туйăнчĕ: долларпа евро тăруках хăпарчĕç. Халăх банксемпе банкоматсен умĕнчен, лавккасенчен татăлмарĕ - кĕмĕле усăллă вырнаçтарма тăрăшрĕ. Ытти чухне, çулталăк вĕçленнĕ май, тавар ытларах сутасчĕ тесе суту-илÿ предприятийĕсем хаксене чакаратчĕç. Çывăх пĕлĕшĕм пĕрер михĕ сахăрпа çăнăх туянатчĕ те тепĕр çулччен шик шăхăрса пурăнатчĕ. Кăçал вара пуяс ĕмĕтлисем шăв-шав çĕклесе кĕсйисене хулăнлатма шухăшларĕç.

Çапла намăслантарчĕ сĕт сутакан

Редакцие Çĕрпÿ районĕнчи Тавăшкасси ял тăрăхĕнчи килти хуçалăхра ĕне усракан телефонпа шăнкăравларĕ. "Декабрĕн 12-мĕшĕ тĕлне пирĕн ялсенчен кашни литр сĕте 18-19 тенкĕлле йышăннă тесе "Хыпарта" пĕлтертĕр. Мĕншĕн суятăр? Пирĕн тăрăхра çав кун тĕлне 17 тенкĕлле çеç йышăннă", - терĕ вăл.

Тăтăшах командировкăра пулма тивет. Кун пек чухне тупăш та пĕчĕк, çемьешĕн те усăллă мар. Çынна командировкăран хăтармалли сăлтав пур-и? Унта каймасăр тăма пултаратăп-и?

П.ВАСИЛЬЕВА.

Командировкăна хăçан ярас тата унăн тăсăмĕ тĕлĕшпе чикĕ çук. Çакна ĕçпе тивĕçтерекен палăртать /ĕçлекенсене служба командировкисене ярассин уйрăмлăхĕсем тĕлĕшпе РФ Правительстви 2008 çулхи юпа уйăхĕн 13 мĕшĕнче çирĕплетнĕ 749-мĕш положенин 4 пункчĕ/.

Çапла шухăшлаççĕ Вăрнар районĕн çыннисем. Ун пирки "Хыпар" Издательство çурчĕн декабрĕн 23-мĕшĕнче асăннă районта ирттернĕ кунĕнче тепĕр хут ĕнентĕмĕр.

Следстви комитечĕн Шупашкарти пайĕ Чăваш патшалăх педагогика университечĕн пурлăх енĕпе аталанас тата пĕтĕмĕшле ыйтусем енĕпе ĕçлекен проректорĕпе тĕп бухгалтерĕ тĕлĕшпе пуçарнă уголовлă ĕçе тĕпчесе пĕтернĕ. Вĕсене должноç полномочийĕсемпе киревсĕр тĕллевпе усă курнăшăн тата служба вырăнĕпе усă курса улталанăшăн айăплаççĕ.

Михаил Хованскин шăллĕ Данил Иванович та /11.06.1924/ Тăван çĕршывăн Аслă вăрçине хутшăннă. Салтак ячĕ тухсан малтанах Канаш хулинчи вĕренÿ пунктĕнче çар ĕçне хăнăхнă, унтан - фронта.

Вăл та çывăх çыннисем патне çыру çырсах тăнă. Шел, вăрçăран таврăнайман, 1943 çулхи март уйăхĕнче хыпарсăр çухалнă.

Вăрмар районĕнчи Хĕрлĕçырта çуралса ÿснĕ Михаил Иванович Хованский /29.10.1920/ Тăван çĕршывăн Аслă вăрçине 1942 çулхи июнь уйăхĕн 2-мĕшĕнче тухса кайнă. Вĕсене малтан Чулхула облаçĕнчи Арзамас çывăхĕнчи вăрманта çар ĕçне хăнăхтарнă. Каярахпа Хованский хăй те вĕрентекен йышĕнче пулнă. Унтан вĕсене фронта ăсатнă.

Михаил тăван яла çыру ярсах тăнă. Килте ашшĕ-амăшĕ, виçĕ йăмăкĕпе пĕр шăллĕ юлнă.