Çĕршывра юлашки 20 çулта сĕт паракан ĕне йышĕ самаях чакнă. Какайлăх мăйракаллă шултра выльăх хисепĕ хушăнман.

Раççейре аш çитмест. Ăна чикĕ леш енчен сахал мар кÿрсе килеççĕ. РФ Ял хуçалăх министерстви вырăнта ытларах туса илес тĕллевпе 2008 çулта ятарлă программа йышăннă. Юлашки пилĕк çулта унпа килĕшÿллĕн отрасле аталантарма федераци тата регионсенчи бюджетсенчен 23,4 млрд тенкĕ уйăрнă. Кĕтĕве 1 млн пуç ытла хушнă.

Патăрьел районĕнчи «Батыревский» акционерсен уçă обществи тĕш тырăпа пăрçа йышши культурăсене 1000 гектар акнă, çĕр улми 300 гектар лартнă. Нумай çул çитĕнекен курăксемпе куккурус 500 гектар йышăнаççĕ.