Геннадий Ларионов - Чăваш патшалăх ял хуçалăх академийĕн биотехнологи тата ял хуçалăх продукцине тирпейлес ĕç кафедрин профессорĕ, ăсчах, Çут çанталăк пĕлĕвĕсен Раççей академийĕн член-корреспонденчĕ.
"Етĕрне районĕнчи Карикасси ялĕнче ăна "хĕрарăм-универсал" теççĕ. Ял çынни кăна мар, ачи-пăчи те çапла калать, амăшĕпе мухтанать. "Ылтăн алăллă" ăстасемпе ку таранччен хамăн та сахал мар тĕл пулма тивнĕ. Анчах вĕсемпе танлаштарсан Алевтина Петровна Михайлова мана та тĕлĕнтерчĕ.
Хĕрарăм-универсал
«Шанма шан та - тĕрĕсле», - тенĕ халăхра. Йĕпреç районĕнчи «Путиловка» хуçалăх ертÿçи Эдуард Марушев ĕçĕ-хĕлĕпе паллаштарнă май кантурти видеосăнавран куçне илмерĕ темелле, техника паркĕнче тăрăшакансене сăнарĕ. «Шăпăра пĕр çыхăра тытмалла, пĕччен хулă хуçăлать», - ытарлăн палăртрĕ вăл.
Канаш районĕнчи Маякри Владимир Петрович Малов савăнăçĕпе, хавхаланăвĕпе, самант та хуйхăрма-кулянма паман шÿчĕсемпе вырăнпа выртакан чирлĕ çынна та ура çине тăратĕ. Хальччен вăл фермер хуçалăхне тытса пынă. Районти пĕрремĕш фермер малтанах çĕрулми, пахчаçимĕç лартса ÿстернĕ.
«Трудовик» агрофирма кантурĕ икĕ хутлă кирпĕч çуртра вырнаçнă. Унччен кĕрлесе ларнă кермен халĕ пушанса юлнă. Пысăкскере хутса ăшăтма тăкаклă, çавăнпа кантур пĕр пÿлĕм кăна йышăнать. «Пĕчĕк йыша çителĕклĕ, - терĕ хуçалăх ертÿçи Сергей Ярчеев. - Кунта ытларах бухгалтер ĕçлет.
Чăвашла верси
Русская версия
