Çак кунсенче Хĕрлĕ Чутай сали — 435, район йĕркеленнĕренпе 90 çул çитнине анлă паллă тунă.
Уяв ЧР культурăн тава тивĕçлĕ ĕçченĕ Александр Самсонов тата арçынсен хорĕ район гимнне юрланипе уçăлнă. Пухăннисене район ертÿçисем, сумлă хăнасем саламланă.
Паян Чăваш патшалăх филармони çуртĕнче Строитель кунне халалланă уяв иртрĕ. Савăнăçлă мероприятие Чăваш Ен Пуçлăхĕ Михаил Игнатьев хутшăнчĕ. Михаил Игнатьев республикăри строительство отраслĕнче вăй хуракансене тата ветерансене уяв ячĕпе саламларĕ, строитель профессийĕ ку чухне уйрăмах пĕлтерĕшлĕ пулнине, Правительство отрасле ăнăçлă аталанма пур майпа та тивĕçтерме тăрăшнине палăртрĕ.
Сумлăран та сумлă ентешĕмĕр, чăваш ятне çăлтăрсем патне çĕкленĕ Андриян Николаев çÿл тÿпене улăхнăранпа 55 çул çитнине республикăра сумлăн уявлама хатĕрленеççĕ.
Шупашкар хула кунне уявланă май çурла уйăхĕн 19-мĕшĕнче Шупашкарта В.И. Чапаев ячĕллĕ скверта "Чапай чей ĕçме чĕнет" проекта хутшăнма йыхравлаççĕ. Вăл 13 сехетрен пуçласа 15 сехетчен пырĕ.
Паян Улатăр хули 465 çулхине уявланă май унта "Ылтăн ухă йĕнни" халăх промыслисен тата ремеслисен конкурсне ирттернĕ. Курава Мордва, Тутарстан республикисенчи, Чулхула облаçĕнчи тата тăван республикăмăрти ăстасем хутшăннă.
Курава Улатăрти ÿнер шкулĕнче вĕренекен ачасем тата асăннă вĕренÿ заведенийĕн преподавателĕ Елена Николаева та хăйсен ĕçĕсене тăратнă. Ачасем йывăçран касассипе маттур пулсан, Елена Николаева пуканесем ăсталать. Ылтăн алăллă преподаватель маçтăр-класс та ирттернĕ.
Чăвашла верси
Русская версия
