ЧР Пуçлăхĕн тивĕçĕсене вăхăтлăх пурнăçлакан Олег Николаев Правительствăн паян иртнĕ ларăвне пухăннисене саламланинчен, ĕçре ăнăçу суннинчен пуçларĕ. Ăнсăртран мар — Министрсен Кабинечĕн çĕнелнĕ йышĕ пуçласа ларăва пухăнчĕ.
Республикăри шкулсенче кĕçĕн классенче вĕренекенсен йышĕнче тăван чĕлхепе тата литература вулавĕпе ăс-тăн вăййисем иртнĕ. Чăваш тата тутар чĕлхипе литературине халалланă ăмăртусене тăваттăмĕш класра вĕренекен 103 ача хутшăннă.
Юлашки çулсенче хута кайнă пуçаруллă бюджет программи нумай ял-салана хăтлăлатма май пачĕ. Клуб çĕклемелле-и, ача-пăча лапамĕ уçмалла-и… — çынсем хăйсен кĕсйинчен укçа-тенкĕ пухса ĕçе пуçăнма хирĕç мар. Паллах, ытларах пайне патшалăх уйăрать.
Чăвашла верси
Русская версия
