Сăмах парăр-ха

4 Ака, 2015

Вăтанман - вĕрÿçĕ, ÿркенмен юмăçă пулнă

Çамрăк чухне кам юмăç ярса курман-ши? Ача чухне Раштав умĕн çурçĕр иртсен урама тухса хапха урлă кăçатă ывăтаттăмăр, пиçиххи пăрахаттăмăр. Упăшка мĕн сăнлă пулассине пĕлес тесе витене кĕрсе сурăх ури те тытнă. Шурри - сарă каччăна, хури - хураскерне пĕлтернĕ. Студент чухне общежитире те тус-тантăшпа пĕрле юмăç янă. Пулас мăшăр ятне, хăçан качча каяссине, миçе ача çуратассине пĕлме ĕмĕтленнĕ. Çынна шăпа вăрттăнлăхĕсем ялан илĕртеççĕ çав. Çамрăк чухне тата темĕн те пĕлесшĕн çунни канăç памасть. Уйрăмах йывăр вăхăтра лайăххине шанас килет.

Чăваш хĕрарăмĕ
Культура
Сăмах парăр-ха
28 Пуш, 2015

Мускав курма - пасара...

Ĕçлессишĕн пурăнмастпăр, пурăнассишĕн ĕçлетпĕр... Çак сăмахсене мĕнле ăслă çын калани манăçнă ĕнтĕ. Анчах та темшĕн чун тĕпнех вырнаçса юлнă вăл. Чăваш хĕрарăмĕн пачах та тÿнтерле пулса тухмасть-и-ха? Нумай чухне шăпах пурăнассишĕн ĕçленĕ пек мар, ĕçлессишĕн пурăннă пек туйăнать. Ир тăрать те хĕрарăм йăшăлтатать-йăшăлтатать... Ялтисен уйрăмах кăткăс пек туйăнатчĕ маларах. Çуркуннерен пуçласа çĕр пичĕ кăпăшка шурă юрпа витĕничченех лăш курмасть мăнтарăн. “Юрать хăть каç пулать, çĕрĕпех ĕçлемелле мар.

Чăваш хĕрарăмĕ
Культура
Сăмах парăр-ха
21 Пуш, 2015

Вăйă вăхăтĕнче миллионера çаврăнатпăр

"Шупашкарта аттракционсем ĕçлеççĕ-и? Ачана уяв туса парас килет", - шăнкăравлать ялта тĕпленнĕ юлташ. "Укçуна ытларах хатĕрле. Таçта та ачан кăмăлне тупма пулать", - терĕм ăна.

Кану паркĕсенче халăх яланхи пекех йышлă. Пĕр, икĕ, виçĕ ачаллă çемьесем куç тĕлне пулаççĕ. Тĕрлĕ ÿсĕмри пепкесем валли вылямалли, ярăнмалли вырăнсем йĕркелеме тăрăшни паха. Мĕн пытармалли, пушă вăхăта ачасен савăнса-кулса ирттерес килет.

Чăваш хĕрарăмĕ
Çамрăксем
Сăмах парăр-ха
14 Пуш, 2015

Аннесем ăрăва тăсма май туса парĕç-ши?

"Хыпар" Издательство çурчĕ тĕрлĕ районта уявсем ирттернĕ май нумаях пулмасть Елчĕке çитрĕ. Районти библиотекарьсемпе культура çурчĕсенче ĕçлекенсем пуçтарăннăччĕ тĕл пулăва. Елчĕксем чăвашла калаçнипе журналистсем кăмăллă пулчĕç темелле - чылайăшĕ палăртрĕ çакна.

Чăн та, тăван чĕлхе чăннипех шăпчăк юрри евĕр янăрать. Çепĕç те ачаш, илемлĕ вăл. Чĕлхе - пирĕн мул, пуянлăх, мухтав. Шел, çакна пурте ăнланмасть. Çавăнпах сăмахлăхăмăра упрама, ăна хисеплеме-юратма чылайăшĕ ăнтăлмасть.

Чăваш хĕрарăмĕ
Культура
Сăмах парăр-ха
7 Пуш, 2015

Чăваш хĕрарăмĕ хăйне шеллемест

Хуралтăсемпе çурт тăррисенчен пăт та пăт! тумлать çурхи тумла. Сенкер тÿпери март хĕвелĕ те малтанхинчен янкăр çутăрах пек туйăнать. Йывăç тураттисем çинчи ир-ирех вăраннă чĕвĕл-чĕвĕл кайăксен сасси кирек камăн кăмăлне те çĕклĕ. Ыран хĕрарăмсен - ăш пиллĕ аннесемпе ырă-ырă кукамай-асаннен, чипер аппасемпе йăмăксен - мимоза шăршиллĕ, сар хĕвел шевлиллĕ ăшă та çутă, ачаш та черчен уявĕ.

Чăваш хĕрарăмĕ
Культура
Сăмах парăр-ха

Pages