Пукаш путишĕсем

13 Çурла, 2018

Халапсем çÿреççĕ-ха…

«Арçури» авторĕн М.Федоровăн ашшĕн пиччĕшĕ Элекçей Хурапхаран Хурăньялти пĕр тăлăх хĕр патне киле пырса кĕнине нумайăшĕ пĕлеççĕ. Паянхи унăн йăхĕнчи мăнукĕн мăнукĕсем те çирĕплетеççĕ çакна. Вĕсем Хĕлип Петтин ачисем — Александровсем.
Михаля Шĕнерпуçĕнче ăс пухнă, унтах вĕрентнĕ. Хурăньялти куккăшĕсене манман вăл: Кăшарни, Сурхури, Çветке эрни, Раштав, Мăнкун, Пукрав уявĕсенче çитме тăрăшнă. Çуран мар паллах — лав тытса. «Улпут килчĕ!» — тенĕ Хурăньялта.