"Хыпар" издательство çурчĕн "Тăван Атăл" литература журналне кăçалхи иккĕмĕш çур çулта Мускаври чăвашсем те çырăнса илеççĕ. Журнал редакторĕ Лидия Филиппова пĕлтернĕ тăрăх, кăларăм Чăваш Енĕн Раççей Президенчĕ çумĕнчи тулли праваллă представительствине тата çĕршывăн тĕп хулинче пурăнакан хастар чăвашсем патне уйăхсерен çитет.
«Хресчен сассинче» тĕрлĕ материалсемпе пĕрлех «Кил» страницăна та килĕштерсе вулатпăр. Сĕнÿ-канашсене хатĕрленĕ, ыйтусене хуравланă чухне паллă, ятлă-сумлă специалистсене явăçтарни аван. Тепĕр тесен ку — вĕсен çăкăрĕн пĕр пайĕ. Пулас инженерсен, агрономсен, зоотехниксен шухăш-кăмăлне те пĕлес килет. Хаçата унта ĕçлекенсем кăна мар, вулакансем те кăсăкрах тума пулăшаççĕ. Вĕсен те хăйсене шухăшлаттаракан темăсем сĕнмелле.
Паян «Хыпар» издательство çуртĕнче хăнара Японири Токио университечĕн ют чĕлхесен факультечĕн аспиранчĕ Мураками Такенори пулчĕ. Кунта вăл И.Н. Ульянов ячĕллĕ Чăваш патшалăх университечĕн чăваш тата вырăс филологийĕпе журналистика факультечĕн доценчĕпе Елена Чекушкинăпа килчĕ. Хăнасене наци медиахолдингĕн директорĕ – тĕп редакторĕ Татьяна Вашуркина ăш пиллĕн йышăнчĕ.
Чăвашла верси
Русская версия
