ларусем

23 Утă, 2020

Маттурисене хавхалантарĕç

Чăваш Енре ăнăçлă ĕçлесе пыракан муниципалитетсене хавхалантарасси ырă йăла пулса тăчĕ ĕнтĕ. Районсемпе хуласем те хаваспах конкурса хутшăнса хăйсен паха опычĕсемпе паллаштараççĕ.

23 Утă, 2020

Ĕç условийĕсем лайăхланаççĕ

Чăваш Республикинче ĕç условийĕсене тата ĕç сыхлавĕн тытăмне лайăхлатас енĕпе иртнĕ çул тунă ĕçсене пĕтĕмлетнĕ.

ЧР ĕçлев министрĕ Алена Елизарова Чăваш Республикин Министрсен Кабинечĕн черетлĕ ларăвĕнче палăртнă тăрăх, производствăра сусăрланакансен шучĕ çулсерен чакса пырать. Сакăр çул хушшинче, сăмахран, çак кăтарту 1,7 хут пĕчĕкленнĕ: 343 тĕслĕхрен 200-е çитнĕ.

23 Утă, 2020

Медицинăна пулăшу кĕтет

Коронавируса пула çак тапхăрта медицина организацийĕсен, планпа палăртнă медицина пулăшăвĕпе тивĕçтерме май килменрен, тупăш пайĕ те пĕчĕкленнĕ.

23 Утă, 2020

Эрех-сăра сутма чарĕç

Ку ыйтăва Шупашкарта, Çĕнĕ Шупашкарта, Улатăрта, Çĕмĕрлере, республикăри ытти хулара пурăнакансем вĕçĕмсĕр çĕклеççĕ. Нумай хваттерлĕ çуртсенче вырнаçнă лавккасенче эрех-сăра сутни граждансене питĕ канăçсăрланатарть. Ӳсĕр çынсем шавланăран кăнтăрла çеç мар, çĕрле те канлĕх çук. Çынсем вырăнти, республикăри влаç органĕсенчен çак инкекрен хăтарма пĕрре мар ыйтнă. Вăл Правительство ларăвне çитни тинех унăн вĕçне пăнчă лартассине çирĕплетет ахăртнех.

23 Утă, 2020

Вкладчиксене укçа тавăрса пама тытăннă

Утă уйăхĕн 23-мĕшĕнче Чăваш Республикин Министрсен Кабинечĕн черетлĕ ларăвĕ иртрĕ.

Чăваш Республикин Пуçлăхĕн тивĕçĕсене вăхăтлăх пурнăçлакан Олег Николаев ларăва ырă хыпартан пуçларĕ: панкрута тухнă «Чăвашкредитпромбанк» вкладчикĕсен укçисене тавăрса пама тытăннă. «Банк ĕçне чарса лартни республикăна самай пăлхантарчĕ, çĕр-çĕр çын, предприятипе учреждени укçи-тенкине çухатас хăрушлăх тухса тăчĕ. Çак инкекрен сыхланас тесе хамăр патра та, федераци шайĕнче те нумай ĕçлеме тиврĕ», — терĕ Олег Алексеевич.

Pages