Курав

Çак кунсенче Чăваш патшалăх ÿнер музейĕнче уçăлнă курав чунра ырă туйăм çуратать. Унăн авторĕ - Чăваш халăх художникĕ Раиса Терюкалова. Хĕллехи сивĕрен тÿрех çуллахи улăха, çурхи пахчана лекетĕн. Вун-вун тĕрлĕ чечек илĕртет хăй патне. Вăл çеç-и?

Ыттисемшĕн, урăх халăхсемшĕн, эпир хамăрлăхпа кăсăклă. Пирĕн те вĕсен культури, йăли-йĕрки пирки пĕлес килет. Вăл е ку халăх чунлăхĕ, кăмăл-сипечĕ, ăс-хакăлĕ никамшăн та ют мар. Çапла пулмалла та.

Шупашкарти Çар мухтавĕн музейĕнче çак кунсенче Ленинграда нимĕç фашисчĕсен блокадинчен хăтарнăранпа 70 çул çитнине халалласа «Сан паттăрусем, Ленинград» ятпа курав уçăлчĕ. Фойере вырнаçтарнă стенд пысăках мар, анчах та питĕ пуян.

И.Я.Яковлев ячĕллĕ ЧППУра ЧР тава тивĕçлĕ художникĕн Анатолий Даниловăн ĕçĕсен куравĕ уçăлчĕ. Кунта юмахри пек: çутă сăрăсем, илемлĕ сăнсем чуна тыткăнлаççĕ. Кашни картина - хăйне уйрăм тĕнче.

21 Jan, 2014 | Хыпар | Хула | Курав

Нарăс уйăхĕн 20-21-мĕшĕсенче Шупашкарти Николаев космонавт урамĕнчи суту-илÿ комплексĕнче регионсен хушшинчи «Çĕр улми-2014» курав иртет. Кăçал унăн программи пуян та анлă. Хутшăнакансемшĕн çеç мар, курма пыракансемшĕн те пысăк пĕлтерĕшлĕ вăл. Экспозицисенче çынсем чикĕ леш енчи тата хамăр çĕр-шыври селекционерсем туса кăларнă çĕр улмин вун-вун сорчĕпе, вĕсен уйрăмлăхĕсемпе çывăхрах паллашаççĕ.

Pages

Subscribe to Курав