Инкексем

Пуш уйăхĕн 21-мĕшĕнче 16 сехетре çăлав службине пулăшу ыйтса шăнкăрав çитнĕ. Ача чукун батарея хушшине урине чикнĕ те туртса кăларайман. Инкек Шупашкарти Университет урамĕнче пулса иртнĕ.

Тулăран Чăваш Ене уса хыпар çитрĕ: çав хулана стройкăна ĕçлеме кайнă 21-ри каччă вилнĕ. Хăпартма тытăннă çуртăн 17-мĕш хутĕнчен икĕ монтажник ÿкнĕ. Вĕсенчен пĕри — пирĕн ентеш.

15 Mar, 2018 | Хула | Инкексем

Шупашкарти çĕнĕ кăнтăр районĕнчи аварие пула вун-вун çурт сивĕ шывсăр тăрса юлнă. Çав шутра социаллă пĕлтерĕшлĕ объектсем те. Çавна пула паян, пушăн 15-мĕшĕнче, вĕрентÿ учрежденийĕсенче занятисене ирттерме май килмен.

Канаш районĕнчи Кармами Выççăлкки ялĕнче пушар пулнă. Унта, алăка шалтан питĕрнĕ пÿртре, 45 тата 35 çулсенчи пĕр тăвансен виллине тупнă.

РФ СК Чăваш Енри управленийĕн пресс-служби пĕлтернĕ тăрăх, арçынсен ÿтне Шупашкартан таврăннă ашшĕпе амăшĕ тунтикун каçхине асăрханă. Пÿртре тĕтĕм явăннă, кăмака юшки хупă тăнă. Следстви версийĕ тăрăх, пиччĕшĕпе шăллĕ сĕрĕм тивнĕрен вилме пултарнă.

Инкекĕн сăлтавне кирлĕ экспертизăсем тунă хыççăн кăна татăклăн палăртĕç.

 

Pages

Subscribe to Инкексем