"Хыпар" хаçат ирттерекен кире пуканĕ йăтас енĕпе Пĕтĕм Раççейри XXXV турнирăн пĕтĕмлетĕвĕ тăрăх, малти вырăнсене Санкт-Петербург, Чăваш Ен, Тутарстан, Киров облаçĕнчи командăсем çĕнсе илчĕç.
5, 4, 3, 2, 1 вĕçленчĕ спортсменсене уйăрса панă вăхăт. Пĕр табло çинче - 236, тепри 238 кăтартать.
Владимир Шуряков çĕнтермеллеччĕ пек... Владимир Понихидкинран кире пуканне рывок туса вăл ытларах çĕклерĕ-ха, анчах толчокра тусĕ 166 кăтăртупа палăрнă. Владимир Петрович вара 161 çеç. Хушма кăтарту çĕнтермешкĕн кăштах çеç çитейменнине палăртать.
"Хыпар" хаçат парнисене çĕнсе илессишĕн иртекен турнирта арçынсем икĕ енлĕ кĕрешÿре тупăшаççĕ, ветерансем вăй виçеççĕ. Помост çине Раççейри кăна мар, тĕнчери ăмăртусенче палăрнă спортсменсем тухаççĕ.