Кашнин яваплăха туймалла
Призыв ыйтăвĕсем, çурхи ейÿрен сыхланасси, чĕр чунсен тĕнчине хÿтĕлесси — çак темăсене паян ЧР Пуçлăхĕн тивĕçĕсене вăхăтлăх пурнăçлакан Олег Николаев ĕç тăвакан влаç органĕсен тата муниципалитетсен ертÿçисемпе ирттернĕ канашлура сÿтсе яврĕç. Çапах калаçу халĕ тĕнчене хумхантаракан тĕп темăран — коронавирус инфекцийĕнчен — пуçланчĕ, унпах вĕçленчĕ.
Канашлăва пуçланă май Олег Николаев инфекцирен сыхланасси пирки сăмах пуçарчĕ. Кунта чи малттанах кашни çын яваплă пулни пысăк пĕлтерĕшлĕ. Влаçри çынсене ку пушшех пырса тивмелле.