Ĕç тăвакан влаç органĕсен тата муниципалитетсен ертÿçисемпе йĕркеленĕ, Правительство пуçлăхĕ Иван Моторин ертсе пынипе паян иртнĕ канашлура Пĕлÿ кунĕ çывхарнине кура канашлура шкулсемпе ача сачĕсен юсавĕпе строительствин ыйтăвĕсене те тишкерчĕç.
«Мухтанмалли çук», — çапла пăшăрханса хакларĕ ял хуçалăх министрĕ Сергей Артамонов вырмапа çыхăннă лару-тăрăва. Ĕççи ыйтăвĕ ĕç тăвакан влаç органĕсен тата муниципалитетсен ертÿçисемпе тунтикунсерен йĕркелекен, Правительство пуçлăхĕ Иван Моторин ертсе пынипе иртнĕ канашлăвăн кун йĕркинче тĕп вырăнта пулчĕ.
Çурла уйăхĕн 12-мĕшĕнче Çеçпĕл Мишши ячĕллĕ Чăваш патшалăх çамрăксен театрĕн труппи кану хыççăн ĕçе пуçăнчĕ. Çак кун тата тепĕр самантпа та асра юлĕ вăл: театра ПАЗ-4234 автобус парнелерĕç.
Унăн уççине театр директорне Елена Николаевăна «Пĕрлĕхлĕ Раççей» партин Чăваш Енри секретарĕ, ЧР Патшалăх Канашĕн Председателĕн заместителĕ Юрий Кислов пачĕ.
Паян Шупашкар хулин социаллă-экономика аталанăвĕн пĕрремĕш çур çулти кăтартăвĕсене пĕтĕмлетрĕç, иккĕмĕш çур çуллăх тĕллевĕсене çирĕплетрĕç.
Чăваш Енри шкул ачисем «ПатриУм» çуллахи шкула хутшăннă. Унта Раççейри 39 регионтан килсе çитнĕ 100 чи хастар та пултаруллă вĕренекен пухăннă.
Чăвашла верси
Русская версия
