Эсир ыйтнăччĕ...

Хисеплĕ редакци, сирĕн хаçата мĕн тухма пуçланăранпах çырăнса илетпĕр. Кашни номерне чăтăмсăррăн кĕтетпĕр. Тархасшăн, саркома чирĕ пирки çырса пĕлтерсемĕр. Халăх меслечĕсемпе сипленме май килмĕ-ши?

Светлана. Патăрьел районĕ.

Уйăхăн улттăмĕш кунĕнче тăрнасем кăшкăрсан çĕр ĕçченĕшĕн çул ăнăçлă килет.
Ака вĕçĕнче каçсем уяр, çăлтăрлă тăрсан çав çул тухăç вăйлă пуласса кĕтмелле.
Ака уйăхĕ шывпа, çу - курăкпа пуян теççĕ.
Апрель ăшă, хĕвеллĕ тăрсан май сивĕ килет имĕш.
Аслати авăтмасăр ăшă килмест теççĕ.
Хурăн шывĕ тулăх юхсан çулла çанталăк çумăрлă тăрать.
Чĕкеçсем кăнтăртан ирхине вĕçсе килсен çанталăк уяртать.
Çирĕк çулçă маларах кăларсан çу йĕпе пулать, хурăн иртерех /пуçласа/ çулçă кăларсан çу типĕ килет теççĕ.

Пирĕн икĕ ывăл, асли улттăмĕш класра вĕренет, кĕçĕнни - пĕчĕк-ха. Эпĕ асăрханă тăрăх вăл пур япалана та сулахай алăпа ытларах тыткалама юратать. Юлашки вăхăтра ÿкернĕ, çырнă чухне ручка-кăранташа сулахай алăпа тытать. Темиçе хут та сылтăммипе "ĕçлемешкĕн" хистени пулăшмасть - пĕрмаях куççуль е нăйкăшу. Мĕн тумаллине те пĕлместĕп. Врачсемпе калаçса пăхмалла-и?

Ольга ФАДЕЕВА.

Красноармейски районĕ.

Subscribe to Эсир ыйтнăччĕ...