Илья Ефимович Ефимов /Илле Тăхти/ 1889 çулхи сентябрь уйăхĕн 4/16/-мĕшĕсенче Хусан кĕпĕрнин Çĕрпÿ уесĕн /халĕ Тăвай районĕ/ Нÿшкассинче çуралнă. 1903 çулта Хусанти учительсем хатĕрлекен семинарие вĕренме кĕнĕ. 1908-1914 çулсенче Тавăтри пуçламăш шкул /Элĕк районĕ/ учителĕ пулса ĕçленĕ.
Марфа Дмитриевна Трубина /Трубина Мархви/ 1888 çулхи сентябрь уйăхĕн 2-мĕшĕнче Хусан кĕпĕрнин Шупашкар уесĕнчи /халĕ Куславкка районĕ/ Куснарта çуралнă. Ялти пуçламăш шкулта пĕлÿ илнĕ хыççăн 1903-1909 çулсенче Чĕмпĕрти чăваш шкулĕнче вĕреннĕ.
Дмитрий Петрович Петров /Мĕтри Юман/ Хусан кĕпĕрнин Пăва уесĕнчи /халĕ Тутарстанри Пăва районĕ/ Пÿркел ялĕнче 1885 çулхи октябрĕн 13-мĕшĕнче çуралнă. Чĕмпĕрти чăваш шкулĕнче, Мускав университетĕнче вĕреннĕ. Учительте тата Чĕмпĕрте, Хусанта тухакан хаçатсенче ĕçленĕ.
Николай Иванович Полоруссов /Шелепи/ 1881 çулхи май уйăхĕн 14 /26/-мĕшĕнче Хусан кĕпĕрнин Чистай уесĕнчи /халĕ Тутарстанри Аксу районĕ/ Çĕнĕ Ÿселте чухăн хресчен кил-йышĕнче çуралнă. 1891-1895 çулсенче Мăкшăелĕнчи пуçламăш шкулта вĕреннĕ, хресчен ĕçĕпе пурăннă.
Константин Васильевич ИВАНОВ 1890 ҫулхи майӑн 27-мӗшӗнче Ĕпхӳ кӗпӗрнин Пелепей уесӗнчи Слакпуҫӗнче (халь Пушкӑртстанри Пелепей районне кӗрет) ҫуралнӑ. Ялти пуҫламӑш шкултан вӗренсе тухнӑ хыҫҫӑн Кӗҫтентин Пелепейри икӗ класлӑ шкулта, унтан Чӗмпӗрти чӑваш шкулӗнче вӗреннӗ.
Чăвашла верси
Русская версия
