Тăлăхсене - хваттер уççисем
18 Sep, 2015 | Çамрăксем

Вăрнар районĕнчи 11 тăлăха хваттер уççисем панă. Уява район администрацийĕн пуçлăхĕ Леонид Николаев та хутшăннă, çак ятпа ентешĕсене саламланă. Вăрнарти Ленин урамĕнчи 45-мĕш çурта /вĕсем шăпах çакăнта пурăнма пуçлĕç/ çулталăкра çĕкленĕ. Строительсем хăйсен ĕçне тивĕçлипе пурнăçланă. Сăмах май, иртнĕ çул Вăрнар поселокĕнче 30 тăлăха çĕнĕ хваттерпе тивĕçтернĕ.