Саккун проектне ырламан

Пĕлтĕр Раççейре 21 çула çитмен яшсемпе хĕрсене алкоголь продукцине сутма чарас ыйтăва çĕкленĕччĕ. Чылайăшĕ çак саккуна йышăнма сĕннĕ. Халĕ РФ Правительствинче ку ыйту тĕлĕшпе пăнчă лартнă: вăл вăя кĕмĕ.

Ăна йышăнмашкăн 22 регион сасăланă. 6 регион алкоголь продукцин хакне ÿстерни лайăхраххине палăртнă. Саккун авторĕсем йышăнăва алă пусса çирĕплетсен сиенлĕ йăлапа туслашакан çамрăк сахалланасса шаннă. Аса илтерер: саккунпа килĕшÿллĕн, 18 çул тултарнисен çеç лавккара эрех-сăра туянма ирĕк пур. Влаç тытăмĕнче вăй хуракансем çак ÿсĕме ÿстерме килĕшмен. Ку РФ Конституцийĕнчи хăш-пĕр статьяна хирĕçлет. Унсăр пуçне саккуна йышăнас пулсан РФ Граждан, Уголовлă тата ытти кодексăн нормисене çĕнĕрен пăхса тухма тивĕ.