Спорт

Италири Трентино хулинче иртнĕ Пĕтĕм тĕнчери хĕллехи Универсиада вĕçленчĕ. Раççейĕн пĕрлештернĕ командишĕн ăнăçлă - унта пирĕн спортсменсем 15 ылтăн, 16 кĕмĕл, 19 бронза медаль çĕнсе илсе пьедесталăн чи çÿллĕ картлашки çине хăпарчĕç.

«Олимп çулăмĕн эстафети пирĕн республикăра пурăнакан кашни çын асĕнче юлмалла, çавăнпа яваплă ведомствăсемпе тытăмсен мероприятие тĕплĕн хатĕрленмелле», - пĕлтернĕччĕ йĕркелÿçĕсем çак кунсенче иртнĕ пресс-конференцире.

Кире пуканĕ йăтса палăрнă спортсменсем кашни районтах пур. Елчĕксемпе Патăрьелсем ку енĕпе çав тери ăста, Вăрнар тăрăхĕнче лару-тăру еплерех-ши?

Раштав уйăхĕн 27-мĕшĕнче Олимп вăййисен тĕп символĕ Чăваш Ене пысăк уявпа савăнтарĕ. Кашнине çĕкленÿллĕ кăмăл-туйăм, олимпçăсен вăй-хăватне парнелĕ. Çулăма йăтакан 163 çыншăн вăл уйрăмах хумхануллă самант. Мĕн шухăшлаççĕ-ха çакăн пирки вĕсем?

Раштавăн 27-мĕшĕнче Чăваш Ене ятарлă рейспа 2014 çулта Сочире иртекен XXII хĕллехи Олимп вăййисен тĕп символĕ çитмелле. Çулăм эстафети Раççейре пĕрремĕш хут иртет. Вăл старт илнĕренпе Шупашкарăмăр - 95-мĕш хула.

Pages

Subscribe to Спорт