Спорт

Çак эрне физкультурăпа спорт аталанăвĕн историйĕнче яланлăхах ылтăн паллăпа çырăнса юлĕ. Нарăсăн 7-мĕшĕнче Сочире хĕллехи XXII Олимп вăййисем пуçланаççĕ. Тĕнчипе паллă пулăма халалласа Вăрнарти Спорт керменĕнче кире пуканĕ йăтассипе Чăваш Республикин Патшалăх Канашĕн Председателĕн, Раççей Федерацийĕн спорт мастерĕн Юрий Поповăн парнисене çĕнсе илессишĕн республикăри виççĕмĕш уçă турнир иртрĕ.

Çапларах чĕнÿпе иртрĕ нарăсăн 2-мĕшĕнче Олимп вăййисене халалланă «Раççей йĕлтĕр йĕрĕ» ăмăрту. ЧР Физкультурăпа спорт министерстви пĕлтернĕ тăрăх - пирĕн республикăра мĕн пур район-хулара йĕркеленĕ спорт уявне 49 пин çын хутшăннă

Олимп çулăмĕ çитес эрне кун, нарăсăн 7-мĕшĕнче - XXII хĕллехи вăйăсене уçнă çĕре - Сочи хулине çитет. Уяв «Фишт» стадионта 20:14 сехетре пуçланать, 3 сехете яхăн пырать. Олимп чашăкне çутни - уявăн тĕп саманчĕ, ăна уçлăха хăпарнă факелтан чĕртĕç.

Кĕçнерни кун РФ спорт министрĕ Виталий Мутко регионсемпе видеоконференци ирттерчĕ. Сăлтавĕ - «Раççей йĕлтĕр йĕрĕ» ăмăртăва епле хатĕрленни.

Сочири Олимп паркĕнчи тĕп медиацентрта Краснодар крайĕнчи пултарулăх лаççисен куравĕ ĕçлеме тытăннă. Унта 2 метрлă тата 300 килограмлă сăмавар пур. Çав сăмавара 332 литр шыв кĕрет. Вăл хĕлле - 60, çулла 40 минутра вĕреме кĕрет. Кунсăр пуçне медиацентрта унашкал тепĕр 3 сăмавар вырнаçтарнă. Куравра çавăн пекех икĕ метр çÿллĕш кĕл чечеке, канфетран тата çемçе теттерен ăсталанă çыхăсене курма пулать.

* * *

Pages

Subscribe to Спорт