Спорт

Ăмăртусем нарăсăн 6-мĕшĕнчех пуçланни çинчен иртнĕ номерте çырнăччĕ. Фристайлçăсен йышĕнче Чăваш Ен спортсменки Елена Муратова та медальсемшĕн тупăшрĕ. Пĕрремĕш чупура вăл 18-мĕш вырăн йышăнчĕ, иккĕмĕшĕнче финиша 11-мĕш кăтартупа вĕçлерĕ.

Нарăс уйăхĕн 8-мĕшĕнче Вăрмар районĕнчи Шăхаль тĕп шкулĕнче Афганистанра 1983 çулхи çу уйăхĕн 1-мĕшĕнче паттăрсен вилĕмĕпе вилнĕ ентешĕмĕре, Хĕрлĕ Çăлтăр орденĕн кавалерне Юрий Иванова асăнса волейбол турнирĕ иртрĕ. Çак ăмăртăва пуçласа 2004 çулта йĕркеленĕ. Унтанпа шăпах 10 çул иртрĕ. Çавăн пекех кăçал Совет Союзĕн çарĕсене Афганистан çĕрĕнчен илсе тухнăранпа 25 çул çитнине те асăнса хăвармалла.

«Шел, вăхăт сахалрах, унсăрăн Сочирех юлнă пулăттăм - ăмăртусем вĕçлениччен...» - çапла палăртрĕ хăйĕн кăмăл-туйăмне хĕллехи Олимп вăййисем иртекен хулара пулса килнĕ хыççăн республикăн Патшалăх Канашĕн Председателĕ Юрий Попов.

Олимп вăййисем пуçланнăранпа пилĕк кун иртрĕ. Чăваш Ен спортсменкин Елена Муратовăн старчĕсем ăнăçсăр вĕçленчĕç пулин те Сочири ăмăртусемпе кăсăкланма, сăнама пăрахмастпăр.

Pages

Subscribe to Спорт