Чи пĕлтерĕшли - халăх лару-тăрăва ăнланни. «Халĕччен çут çанталăкăн кун пек синкерĕ пулнине курман, ас тумастпăр та», - шăпах çак шухăша палăртрĕç республикăн тĕрлĕ кĕтесĕнче пурăнакан ватă çынсем кăçалхи юпа уйăхĕнче пулнă инкек пирки сăмах пуçарсан.
Авăн уйăхĕн пуçламăшĕнче Красноармейскинче пурăнакан Михаил Прохорович Прохоров 90 çулхи юбилейне паллă турĕ. М.Прохоров 1924 çулта Шăмар Тусай ялĕнче çуралнă.
Ачисем ашшĕ-амăшĕ çине алă çĕклесси пулкалать, вĕсене ниепле те тÿрре кăларма çук, анчах Канаш районĕнче пулнă преступлени - чăннипех ытла та киревсĕр, тискер.
Следстви комитечĕн вырăнти пайĕ 54 çулти арçын тĕлĕшпе пуçарнă уголовлă ĕçе тĕпчесе пĕтернĕ ĕнтĕ. Ăна Уголовлă кодексăн темиçе статйипе айăплаççĕ - çынна вĕлерессипе хăратнинчен пуçласа мăшкăл кăтартни таранах. Мăшкăл тÿснĕ хĕрарăм вара - преступникăн... амăшĕ.
Террор тапхăрĕнче пин-пин çынна тĕп тунă. Чăваш Республикинчи политика репрессийĕсенче шар курнисен тата инваличĕсен общество организацийĕ çĕршыв историйĕнчи хурлăхлă тепĕр пулăма палăртма хатĕрленет. Умра - Раççей Федерацийĕн Аслă Канашĕ 1991 çулта политика репрессийĕнче шар курнисене асра тытас тĕллевпе йышăннă кун. Кашни çулах юпа уйăхĕн 30-мĕшĕнче çывăх çыннисем пуç янă тăванĕсене асăнса лартнă палăксен умне пухăнаççĕ, вĕсен ячĕпе çурта çутаççĕ.
Салтак çырнă виç кĕтеслĕ çырусене, фронтран 70 ытла çул каялла янăскерсене, нумай килте халĕ те упраççĕ. Вăхăт чылай иртнĕрен сарăхнăскерсене темиçе хут вулаççĕ, çывăх çыннин сăнарне куç умне кăлараççĕ, ун çинчен çамрăк ăрăва каласа кăтартаççĕ.
Чăвашла верси
Русская версия
