Раççей Федерацийĕн Центросоюзĕн Канашĕн президиумĕ регионсен потребитель обществисен союзĕсен хушшинче кăçалхи II кварталта йĕркеленĕ пĕтĕм Раççейри «Отрасльсен ĕç-хĕлне тухăçлă аталантарассишĕн» ăмăртăва пĕтĕмлетнĕ. Ĕнер Мускавран лайăх хыпар пĕлтерчĕç: Чăвашпотребсоюз хăйĕн пĕтĕмĕшле ĕç-хĕлне аталантарас енĕпе çĕршыври потребительсен кооперацийĕнче тата федерацин Атăлçи округĕнче пĕрремĕш вырăнсене йышăннă.
В.НИКОЛАЕВ.
Ăста кăмпаçăсем çуркуннерен пуçласа мĕн хĕллечченех кăмпана çÿреççĕ. Çуркуннехи кăмпасем - ака кăмпи, кăтра кăмпа. Çуллахи вăхăтра - сыроежка, çуллă кăмпа, хурăн кăмпи. Тунката кăмпипе сар кăмпа, кăрăç вара кĕр еннелле савăнтараççĕ. Лайăх кăмпаçă ăçта, хăçан тата кăмпана мĕнлерех пуçтармаллине аван пĕлет-тĕк, пуçласа çÿрекенĕн нумай вăрттăнлăха уçма тивет. Мĕншĕн кăмпа чылайăшне килĕшет-ха? Кăмпана çÿресси çутçанталăк ытамĕнче уçă сывлăшпа киленесси çеç мар. Чи малтанах кăмпаçă тутлă, усăллă çимĕç пуçтарса çемьене апат-çимĕçпе тивĕçтерет, укçа-тенке перекетлет.
Пирĕн организма лекекен çимĕçсенчи хăш-пĕр микроэлементсем пĕр-пĕринпе килĕштермеççĕ. Н. Корнякова валеолог тухтăр палăртнă тăрăх, анализ организмара цинк сахаллине кăтартать пулсан - кадми нумай. Кальци ытлашшипех - фосфор çитмест.
Çав вăхăтрах этем организмĕ питĕ ăслă, хăйĕн "хуçалăхĕнче" хăех йĕрке тума пултарать. Вăл мĕн те пулин /сухан, селедка, какай.../ çиес килнине палăртса сигнал ярать. Шăпах апат ĕнтĕ тĕп эмел пулса тăрать.
Чăвашла верси
Русская версия
