Пирĕн хаçатăн çамрăк корреспонденчĕсем питĕ хастар, хуть те хăш вăхăтра та тĕрлĕрен хыпар пĕлтерсех тăраççĕ, сăвă-калав çырса савăнтараççĕ. Унсăр пуçне вĕсем вĕренÿре те малта пыраççĕ, спортра та палăраççĕ. Çавăн пек маттурсенчен пĕри – Хĕрлĕ Чутай районĕнчи Штанаш шкулĕн улттăмĕш класне кайма хатĕрленекен Наташа Михайлова.
Чăваш Республикин Пуçлăхĕн çамрăксене пултарулăхри ăнтăлушăн паракан стипендине Комсомольски районĕнчен кăçал 8 çын тивĕçнĕ. Вĕсен хушшинче вĕренекенсем те, ĕçлекенсем те, общество пĕрлешĕвĕсенче тăракансем те пур.
Мускаври М.А.Литовчин ячĕллĕ телекуравпа радио хыпарлавăн гуманитари институтĕнче вĕренекен Анастасия Масляева çитес çул диплом ĕçне хÿтĕлемеллине шута илсе темăсем шырама пуçланă. Тÿрех палăртнă: "Ăна чăваш халăхĕпе çыхăнтарăп". Çавна май вĕреннĕ вăхăтрах çĕрлесерен ĕçлесе ÿкерÿ ушкăнне Чăваш Ене илсе килмелĕх укçа тунă.
Чăваш концерчĕсене çÿрекенсем асăрханă-тăр - Шупашкар районĕнчи «Кăмăл» çемье ансамблĕнче шкула та çÿреме тытăнман арçын ача пур. Вăл - 6 çулти Дионис Егоров.
Чăвашла верси
Русская версия
