Культура

21 Ака, 2015

«Нарспи» - чăваш литературин çĕнĕ çулĕ

«Нарспи» пуçламăшĕ - чăвашсен çĕнĕ çул пуçламăшĕ. Ку - çутçанталăкра пурнăç чĕрĕлсе вăй илнин пуçламăшĕ. Пĕрремĕш сăмахсемех - «пуш уйăхĕ» икĕ пуçламăшĕ - поэма пуçламăшĕ тата çĕнĕ çулла /çĕнĕ çул/ пуçламăшĕ тĕл пулнине систереççĕ. Шăпах «çĕнĕ çулла», мĕншĕн тесен пăлхар-чăваш календарĕнче çулталăкăн куçса пыракан вăхăчĕсене - кĕркуннепе çуркуннене - уйăрни пулман. Ĕлĕк çулталăка икĕ пая - çуллана тата хĕллене - пайланă. Хĕллехи вăхăт çĕр çинчи тĕнче «вилнипе» çыхăннă - çутçанталăк ыйха путнă /«хĕллехи ыйха»/.

Хыпар

Культура

К.В. ИВАНОВ çулталăкĕ

20 Ака, 2015

Чутай хĕрĕ, эс илемлĕ, Чутай тумĕ тăхăнсан...

Хĕрлĕ Чутайри культура çуртĕнче «Чутай Нарспийĕ – 2015» конкурс иртрĕ. Унта ку тăрăхри чи маттур та пултаруллă, çепĕç те сăпайлă, ĕçчен те илемлĕ хĕрсем хутшăнчĕç. Конкурсăн тĕллевĕ - чăваш халăхĕн культурипе йăли-йĕркине упраса халăх хушшинче анлăрах сарасси, çамрăксене тăван чĕлхе, юрă-кĕвĕ илемне туйма, хаклама хăнăхтарасси, пултаруллисене палăртасси, вĕсене хавхалантарасси.

Тупăшăва Кивĕ Атикасси, Мăн Этмен, Тралькасси, Хусанушкăнь тата Хĕрлĕ Чутай ял тăрăхĕсенчи хĕрсем тупăшăва тухрĕç.

Культура

20 Ака, 2015

«Çил пек васкакан Илпек»

Чăваш халăх çыравçи Илпек Микулайĕ çуралнăранпа 100 çул çитет. Ăна халалланă литература каçĕнче юлташĕсем, пĕлĕшĕсем, вĕренекенĕсем тухса калаçрĕç.

Культура

20 Ака, 2015

Халăхсен туслăхĕ - кĕнеке урлă

Республикăра регионсен хушшинчи наци кĕнекин фестивальне ирттересси йăлана кĕнĕ. Кăçал вăл 13-мĕш хутчен иртет, "Кĕнеке урлă - халăхсен туслăхĕ патне" ятпа. Шупашкарта, Улатăрта, Чĕмпĕрте, Элĕк, Вăрнар, Пăрачкав тата Муркаш районĕсенче фестиваль мероприятийĕсем ака уйăхĕн 25-мĕшĕчченех пырĕç. Чăваш наци библиотекинче çак кунсенче çыравçăсемпе тĕлпулусем йĕркелеççĕ, Итали кĕнекин, китай поэзийĕн, экологипе тата наукăпа, православипе çыхăннă литература кунĕсене ирттереççĕ.

Культура

18 Ака, 2015