Театра ачаранпах юрататăп. К.В.Иванов ячĕллĕ чăваш патшалăх академи драма театрĕн артисчĕсене ун чухнех паллаттăм. Акă театрпа пĕрле Хусана фестивале каймаллине пĕлтерчĕç. Тĕрĕссипе, халĕччен артистсемпе çывăх хутшăнса курманччĕ. Паллă çынсемпе гастроле яни - маншăн пысăк чыс.
Кашни çыннăн пурнăç тĕллевĕ тĕрлĕрен. Пĕрисем ăна пуянлăхра кураççĕ: чаплă коттедж, ют çĕр-шывра кăларнă машина, юманран ăсталанă сĕтел-пукан, ылтăн-кĕмĕл... Теприсем вара телейне сăвă-кĕвĕре, кĕнекесенче, картинăсенче... тупаççĕ.
Театр тĕнчи асамлă та илĕртÿллĕ. Сцена çинчи ĕç-пуçа сăнанă май куракан самантлăха та пулин хăйĕн хуйхи-суйхи пирки манать те сăнарсен пăшăрханăвĕ-савăнăçĕпе, ыратăвĕ-юратăвĕпе пурăнать. Тепĕр чухне хăйне тахçантанпах канăçсăрлантарнă ыйтăвăн хуравне те кунтах тупать, малалла талпăнма çĕнĕ вăй-хăват илет.
"Малтанах ялта пуçламăш классене вĕрентнĕ май хула ачисемпе ĕçлеме йывăртарах пекчĕ. Кунти шăпăрлансем шухăрах пек туйăнтачĕç. Халĕ çав йывăрлăх хыçа юлнă - хăнăхса çитрĕм. Ачасем мĕнле çемьере çитĕннинчен те нумай килет, ытти саманта та шута илмелле - воспитани ĕçĕ интереслĕ те тĕрлĕ енлĕ",- çырать К.Николаев.
Чăвашла верси
Русская версия
