Чăваш Республикин Тĕп суйлав комиссийĕнче РФ Патшалăх Думине суйланма палăртнисем документсем тăратма тытăннă.
Тĕп суйлав комиссийĕн çумĕ Игорь Михайлов пĕлтернĕ тăрăх, хальхи вăхăтра 3 çынран хутсем йышăннă: иккĕшĕ — партирен, пĕри — хăй тĕллĕн. «Малтан кандидатсен докуменчĕсене тĕрĕслетпĕр. Çитменлĕхсене тӳрлетнĕ хыççăн удостоверени паратпăр», — терĕ Игорь Васильевич.
Экономика, социаллă пурнăç, ЖКХ, çулсем, транспорт — ытларикун йĕркеленĕ, 2 сехет те 25 минута тăсăлнă тӳрĕ линире Чăваш Ен Пуçлăхĕ Олег Николаев граждансен çак тата ытти темăпа çыхăннă 34 ыйтăвне хуравласа ĕлкĕрчĕ. Уйрăм çынпа е пайăр территорипе çыхăннă ыйтусене те Олег Алексеевич анлăлатса республикăра пурăнакансен пысăк йышне пырса тивмелле хуравлама тăрăшрĕ – интереслĕ калаçу пулчĕ.
Ĕç тăвакан влаç органĕсен тата муниципалитетсен ертӳçисемпе тунтикунсерен ирттерекен канашлура ЧР Пуçлăхĕ Олег Николаев коронавирусран сыхланмалли вакцинаци пĕлтерĕшĕ çинчен черетлĕ хут аса илтерчĕ: прививка тăвасси чи малтан пурнăçламалли ĕçсен шутĕнче пулмалла.
ЧР цифра аталанăвĕпе информаци политикин тата массăллă коммуникацисен министрĕ Кристина Майнина, "Ростелеком" обществăшăн филиалĕн директорĕ Евгений Макагонов, Роспотребнадзорăн Чăваш Енри управленийĕн, "Билайн" çыхану компанийĕн представителĕсем Алкешре пурăнакансемпе тĕл пулса çивĕч ыйтăва çĕклерĕç.