Вăрнар районĕнчи халăха ĕçпе тивĕçтерекен тытăма кăçал республикăри, районти экономика аталанăвĕ ырă витĕм кÿнине палăртрĕ служба центрĕн ертÿçи Римма Евсеева, рынокри лару-тăрăва лайăхлатмашкăн Чăваш Республикин 2012-2020 çулсем валли йышăннă «Халăха ĕçпе тивĕçтересси» патшалăх программи пулăшнине çирĕплетрĕ.
Чăваш Республикин Пуçлăхĕ Михаил Игнатьев Кăркăс Республикин Раççей Федерацийĕнчи Чрезвычайлă тата полномочиллĕ посолĕпе Болот Джунусовпа тĕл пулнă. Ĕçлĕ калаçăва Чăваш Республикин Министрсен Кабинечĕн Председателĕн тивĕçĕсене вăхăтлăха пурнăçлакан - ял хуçалăх министрĕ Сергей Павлов тата ЧР экономика аталанăвĕн, промышленноç тата суту-илÿ министрĕн тивĕçĕсене вăхăтлăха пурнăçлакан Инна Антонова хутшăннă.
Предприятисемпе организацисем ĕç вăйĕ ытларах ыйтма пуçлани юлашки çулсенче уйрăмах сисĕнет. Паян ĕçсĕр пĕр çын пуçне 4 ваканси тивет. Тăватă çул каялла вара пĕр вакансишĕн ĕçсĕр виçĕ çын тупăшнă. Вĕренÿ заведенийĕ пĕтернĕ хĕрсемпе каччăсем те ĕçе - хăйсем тĕллĕн те, служба органĕсем пулăшнипе те - çăмăллăнах вырнаçма пултараççĕ.
Чăвашла верси
Русская версия
