Кун хыççăн кун

1 Çĕртме, 2022

Йывăç-тĕм астăвăм комплексне илем кӳрĕ

Сăрпа Хусан хӳтĕлев чиккисене тума хутшăннисене халалланă астăвăм комплексĕнче территорие хăтлăлатма пуçланă. Хальхи вăхăтра унта тирпей-илем кӳрес ĕç пырать.

ЧР Ипотека корпорацийĕн представителĕ Геннадий Шелудяков каланă тăрăх, палăк тавра йывăç-тĕм лартĕç, курăк акĕç. Малтан тĕрлĕ тĕм /гортензи, дерен…/ лартĕç, вĕсем чечекленсе комплекса илем кӳрĕç. Çĕр лаптăкне хатĕрлесе пĕтерсен курăк акма тытăнĕç, вăл пĕр-икĕ эрнере шăтса тухмалла-мĕн. Тĕмсене тата курăка шăвармалли ятарлă хатĕрсем тунă.

Кун хыççăн кун
30 Çу, 2022

Шыва кĕмелли тапхăр уçăлĕ

Çĕртме уйăхĕн 1-мĕшĕнчен пуçласа Чăваш Енре шыва кĕме ирĕк парĕç. Анчах çакăн валли ятарласа уйăрнă вырăнсене çеç çӳремелле.

Ку çулла республикăра 13 пляж ĕçлĕ. Çăлавçă матроссемпе медиксем шыв хĕрринче канакансене хăрушсăрлăхпа тивĕçтерĕç. Муниципалитетсенче çу пуçламăшĕ тĕлне шыва кĕме 128 вырăн хатĕрлеме палăртнă. Шыв тасалăхне Чăваш Республикин шыравпа çăлав службин водолазĕсем тĕрĕслеççĕ.

www.hypar.ru Фото pravdapfo.ru

Кун хыççăн кун
30 Çу, 2022

Чăваш ачисем Мускава слета кайĕç

Çĕртме уйăхĕн 1-мĕшĕнче Халăх хуçалăхĕн çитĕнĕвĕсен куравĕнче «Пысăк тăхтав» ачасемпе çамрăксен слечĕ иртĕ.

Фестивале хутшăнакансен йышĕ 8 пинрен те ытларах пулĕ. Вĕсен шутĕнче: Шупашкарти, Çĕмĕрлери тата Канашри шкул ачисемпе педагогсем. Мероприяти программи анлă.

Кун хыççăн кун

Pages