Ака уйăхĕн 17-мĕшĕнче Шупашкарти ача-пăча пултарулăх керменĕнче «Çĕнтерÿ ялавĕн часовойĕ» патриот акцийĕ уçăлчĕ. Ăна Тăван çĕршывăн Аслă вăрçи вăхăтĕнчи халăх паттăрĕсене ĕмĕрлĕхе асра хăварас тĕллевпе РФ Общество палати пуçарнă. Ачасене, çамрăксене патриотла воспитани памалла, тăван çĕршыва ирĕке кăларакансене тав тумалла.
Паян «Хыпар» Издательство çурчĕн ача-пăча кăларăмĕсен корреспонденчĕсем Валентина Селенинăпа Лариса Петрова Шупашкарти 30-мĕш ача садĕнче пулчĕç.
— Шăпăрлансем пире хаваслă кĕтсе илчĕç. Хĕрачасем маскак тăхăннă. Паянхи куна вĕсем чăн-чăн уява çавăрнă. Сĕтеле хăйсем çырăнса илекен пирĕн кăларăмпа — «Тетте» журналăн тĕрлĕ номерĕпе — пуянлатнă, — терĕ Валентина Селенина.
Çурхи вăхăтра пушар хăрушсăрлăхĕпе тивĕçтерес тĕллевпе республикăри муниципалитетсемпе хуласенче «Вăрмансене пушартан сыхла!» уйăхлăх иртĕ. Вăл ака уйăхĕн 22-мĕшĕнчен пуçласа çу уйăхĕн 22-мĕшĕччен тăсăлĕ.
Чăвашла верси
Русская версия
