Кун хыççăн кун

Тин кăна шкулсенче юлашки шăнкăрав янăранă пекчĕ, халĕ ак кĕçех Пĕлÿ кунĕ çывхарать. Чылай пĕлÿ çуртĕнче халĕ юсав ĕçĕсем пыраççĕ, ашшĕ-амăшĕ тĕпренчĕкĕсем валли ятарлă тум, вĕренÿ хатĕрĕсем туянать.

Иртнĕ ытлари кунхи ĕç кунне Тăвай районĕн прокурорĕпе пĕрле ирттерме калаçса татăлтăмăр. Оксана Ястребова - районти пĕртен пĕр хĕрарăм прокурор. Хăйĕн тивĕçне вăл арçынтан кая мар, тен, ирттерсе те-и, пурнăçлать.

Куславккари тĕп вулавăшра «Ырă вырсарни кун» проектпа килĕшÿллĕн «Пыл, пан улми, мăйăр сăпасĕсене кĕтсе» мероприяти иртнĕ. Оксана Каримовăпа Елена Данилова библиотекарьсем пухăннисене сăпас праçникĕ историне, йăли-йĕркине каласа панă.

Сĕнтĕрвăрри районĕнчи Октябрьски салинче пурăнакансем ял йĕркеленнĕренпе 155 çул çитнине халалласа уяв ирттернĕ. Асăннă ял тăрăхĕнче байкерсем мотоциклсемпе Раççей, Чăваш Ен, Сĕнтĕрвăрри ялавĕсене вĕлкĕштерсе урампа иртнĕ.

Pages

Subscribe to Кун хыççăн кун