«Пирĕн пуçлăх мĕн тесе хуларан çак шăтăка куçса килнĕ-ши?» — тĕлĕннĕ унран хăй вăхăтĕнче ял çыннисем. Халĕ вара ăна вĕсем çав тери юратаççĕ, вăл пурришĕн савăнаççĕ. «Пирĕн Людмила Даниловна», — тет ăна ватти те вĕтти. Сăмахăм Çĕмĕрле районĕнчи Тури Макарин ял тăрăхĕн пуçлăхĕ Людмила Егорова çинчен.
Çитес çул çĕршывра — Астăвăмпа мухтав çулталăкĕ. Аслă Çĕнтерÿ тунăранпа 75 çул çитет. Çак уяв Елчĕк районĕнчи Лаш Таяпа ял тăрăхĕнче пурăнакансемшĕн те, пĕтĕм Раççейри пекех, чи çутă, пĕлтерĕшлĕ уяв.
Право хуралĕн органĕсен тĕп тĕллевĕсенчен пĕри вăл — общество хăрушсăрлăхне сыхласси. Çак тивĕçе пурнăçлама вĕсене халăх дружинникĕсем хастар пулăшаççĕ.
Ял тăрăхĕн пуçлăхĕн ĕç кунĕ епле иртет? Мĕнле ыйтусене татса парать вăл кун каçа? Çак тата ытти ыйтăвăн хуравне тупас тĕллевпе Красноармейски районĕнчи Кĕçĕн Шетмĕ ял тăрăхĕн пуçлăхĕ Галина Ефимова патне ир-ирех çитрĕм.