Кун хыççăн кун

24 Раштав, 2019

Чи-чи маттуррисене чысларĕç

Паян Правительство çуртĕнче республика халăх хуçалăхĕнче вăй хурса пысăк сума тивĕçнĕ, нумай ача çуратса ура çине тăратнă ашшĕ-амăшне чысларĕç. Вĕсем патшалăх наградисене тивĕçрĕç.

24 Раштав, 2019

Çĕнĕ садикре чăваш апатне хатĕрлеççĕ

Паян Шупашкарта савăнăçлă лару-тăрура «Садовый» микрорайонта /Геннадий Айхи проспектĕнчи 21-мĕш çуртра/ 203-мĕш ача сачĕн виççĕмĕш корпусĕ уçăлчĕ. «Кубик-рубик» ятлă садике 240 шăпăрлан çÿрĕ.

20 Раштав, 2019

Кашни çын Раççей тăван кил пулнине туйтăр

РФ Президенчĕн Владимир Путинăн кăçалхи пресс-конференцийĕ — 15-мĕш. Унта çĕршыври тата чикĕ леш енчи 1900 яхăн журналист хутшăнчĕ. 4 сехет те 20 минута яхăн тăсăлнă тĕлпулура 57 çын ыйту парса ĕлкĕрчĕ.

20 Раштав, 2019

Сергей ГОРБУНОВ: Çамрăксене яла илĕртетпĕр

Тăватă çул каялла Йĕпреç районĕн çут çанталăк газĕпе усă курнăшăн 12,5 млн тенкĕ парăм капланнă, виçĕ çулта ăна пĕтĕмпех парса татнă. Унсăр пуçне нумай хваттерлĕ çуртсене ăшăпа тивĕçтерме хальхи технологисене пăхăнса 3 котельнăй хăпартнă. Тăватă çул каялла усă курман çĕр те пысăк лаптăк йышăннă. Çакнашкал 4540 гектар çĕртен 3216 гектарне – 2016 çулта, 1030 ытла гектарне 2017-2019 çулсенче пусă çаврăнăшне кĕртнĕ. Юлнă 300 гектар çĕрпе çитес çулсенче усă курмашкăн тытăнма палăртнă. Паллах, çак тата ытти ĕç тăрăшса ĕçлемесĕр пулмасть.

20 Раштав, 2019

Ентеш ячĕпе - палăк

Паян Комсомольски районĕнчи Кĕçĕн Çĕрпÿелте ентешне — Василий Разумов вице-адмирала — асăнса Якорь-палăк уçрĕç.

Василий Петрович 1909 çулта Аслă Çĕрпÿелте çуралнă. Совет флотоводецĕ 1965 çултанпа — инженер-вице-адмиралĕ. «Морской сборник» журнал редколлеги членĕ пулнă. Вăл 1967 çулхи кăрлачăн 29-мĕшĕнче пурнăçран уйрăлса кайнă.

Pages