«Ответный ход» фильм пăхса хавхаланнă хыççăн Шупашкарти энергетика техникумĕнче вĕреннĕ Юрий Волковăн десантник пулас килнĕ. Çар комиссариачĕ унпа пĕр шухăшлă яшсене тĕп хулари аэроклубра парашютпа сикме хăнăхтарнă.
«Асатте», «асанне», «кукамай», «кукаçи» — çав тери ырă та ăшă сăмахсем. Кашни ачанах тенĕ пек пур çак çывăх çынсем. Вĕсем мăнукĕсене чунран юратаççĕ, тутлă çимĕçсемпе сăйлаççĕ, тĕрлĕ юмах каласа савăнтараççĕ, пурнăçăн чăнлăхĕсемпе паллаштараççĕ. Çемьере ачана, çамрăка ăс параканĕ – ватă. Чăваш ачи яланах унăн хÿттинче çитĕннĕ.
Шупашкар районĕнчи Çĕньял Покровски шкулĕнче 6-мĕш класра вĕренекенсем те хăйсен юратнă аслашшĕ-асламăшĕ, кукашшĕ-кукамăшĕ çинчен каласа кăтартма кăмăл турĕç.
Муркаш районĕнчи Иштерекри Раиса Калинина тракторĕпе республикăра çитмен вырăн хăварман-тăр. Çичĕ теçетке çулран иртнĕскер халĕ те «хурçă учĕпе» çÿрет.
Патăрьел районĕнчи Турханти вăтам шкулти волонтер-медиксем ертÿçи Анатолий Кольцов хĕллехи каникул вăхăтĕнче аслă ăру çыннисене кучченеçпе хăналас, вĕсене пуç таяс тĕлĕшпе акци йĕркеленĕ.
Чăваш Енре Вăрманкас ялĕ пурĕ — 44. Муркаш районĕнче кăна вăл — 4. Пирĕн тăрăхри Вăрманкас Сурăм — илемлĕ те таса.
Хăтлă та тирпейлĕ ялта ырă чунлă çынсем пурăнаççĕ. Вĕсенчен пĕри — Иван Васильев. «Хуçине кура хуçалăхĕ», — тенĕ. Васильевсен çирĕп çурт-йĕрĕ кунта ĕçчен çынсем пурăннине кăтартать. Пур çĕрте те тирпейлĕ, таса, кашни япала хăй вырăнĕнче темелле.
Чăвашла верси
Русская версия
