Кун хыççăн кун

23 Пуш, 2020

«Эпир çĕнтересси паллă»

Марина Ванькова Патăрьел районĕнчи Пăлапуç Пашьел ялĕнче 1917 çулхи утă уйăхĕн 7-мĕшĕнче çуралнă. 1940 çулта Çĕрпÿри фельдшерсен шкулĕнчен вĕренсе тухнă. Унтан Шурут ял больницинче тăрăшнă, Первомайски районĕнчи сывлăха сыхлас ĕç пайне ертсе пынă. Хусанти сывлăха сыхлакансен ăсталăхне ÿстерекен курсра икĕ уйăх ăс пухнă.

22 Пуш, 2020

Чӑваш Ен чи таса регионсен шутне кӗнӗ

"Симӗс патруль" Пӗтӗм Раҫҫейри общество организацийӗ 2019-2020 ҫулсенчи хӗллехи экологи рейтингне хатӗрленӗ.

Чи таса регион шутне Тамбов, Белгород облаҫӗсем тата Алтай республики кӗнӗ. Чи "таса мар" регион - Иркутск облаҫӗ. Чӑваш Ен вара тасалӑхӗпе - 11-мӗш вырӑнта. Пӗлтӗр 14-мӗшӗнче ҫеҫ пулнӑ. Ҫапах та Атӑлҫи федераци округӗнче тасалӑхпа пирӗн республикӑна ҫитекен ҫук. Экологи енчен чи япӑх регион - каллех Чулхула. Пӗтӗмӗшле рейтингра вӑл 77-мӗш вырӑнтан 69-мӗшне хӑпарнӑ.

19 Пуш, 2020

"Мостотряд-41" ĕçченĕсем Крым кĕперне çĕкленĕ çĕре хутшăннăшăн патшалăх наградине тивĕçнĕ

Крым кĕперĕ Керчь районне Кубаньпе пĕрлештерет. Çакăн валли 4 çул кирлĕ пулчĕ. Ку калама çук пысăк ĕç шутланать. Крым кĕперне çĕкленĕ çĕре хутшăннисене Раççей Президенчĕ Владимир Путин ĕнер, пуш уйăхĕн 18-мĕшĕнче, чысланă.

Шупашкарти "Мостотряд-41" территори фирмин ĕçченĕсем те çак хисепе тивĕçнĕ.

19 Пуш, 2020

Чăваш Енре тырă, çăнăх çителĕклĕ

Паян Чăваш Ен Пуçлăхĕн тивĕçĕсене вăхăтлăх пурнăçлакан Олег Николаев «Чăваш çăкăрпродукчĕ» акционер обществинче Владимир Яковлев гендиректорпа цехсем тăрăх çÿресе хальхи вăхăтри лару-тăрупа паллашрĕ.

19 Пуш, 2020

Синоптиксем мĕншĕн йăнăшаççĕ?

«Пуш уйăхĕн вĕçĕнче Хĕвел пăхрĕ ăшăтса. Силпи чăваш ялĕнче Юр ирĕлчĕ васкаса…» — çырнă паллă классик. Константин Иванов хальхи вăхăтра урăхларах çавăрттарса çырĕччĕ пуль. Хĕл варринчех çумăр лÿшкет, çерçисем лупашкаран шыв ĕçеççĕ. Çанталăка сăнакансем шикленеççĕ: кăçалхи çулла та сивĕ-ши? Чăваш Енри гидрометеоцентрта 1973 çултанпа синоптикра ĕçлекен Марина Андреева ыйтусене уçăмлатрĕ.

Pages