Бюджетăн кашни тенки темиçе хут пысăкрах инвестици илсе килтĕр
«Мĕн пур ресурспа туллин усă курмалла. Бюджетран хывакан кашни тенкĕ темиçе хут пысăкрах инвестицисем килессе никĕслетĕр», — Аслă экономика канашĕн эрнеун иртнĕ черетлĕ ларăвĕнчи калаçăва çак тĕллев тавра йĕркелени пысăк пĕлтерĕшлине ЧР Пуçлăхĕ Олег Николаев пусăм тусах палăртрĕ. Ку хутĕнче ларура Куславкка тата Вăрмар районĕсен социаллă пурнăçпа экономика лару-тăрăвне сӳтсе яврĕç.